Sámediggi almmuha ohcan láhkai bargiidhoavdda virggi

Sámediggi lea sullii 75 bargi organisašuvdna, man bargit barget máŋggabealálaččat iešguđetlágan doaimmain ja sierra vástosurggiin. Sámediggi lea okta dain sámeguovllu mearkkašahtti bargoaddiin. Sámedikki bargiid váldodoaibmabáikin lea Sámekulturguovddáš Sajos, Anáris, muhto bargit barget viidát sierra guovlluin Suomas ja sámeguovllus.

Bargiidhoavdda barggut leat meroštallon Sámedikki bargoortnega 26 g §:s. Bargiidhoavdda bargun lea ee. vástidit Sámedikkis buot bálvalangaskavuođa áigásaš bargoveahkahálddahusa proseassain rekryteremis gitta bargogaskavuođa nohkama rádjai. Bargiidhoavda doarju olles bargoveaga buot áššiin, mat laktásit bálvalangaskavuhtii ja barggus bures veadjimii, ja maiddái vástida bargoveahkastrategiija ja – rávvagiid sihke mearrádusaid ráhkadeamis ja ollašuhttimis. Bargiidhoavda doaibmá lagašhoavddaid bargopárran, erenomážit son vástida áššiin, mat laktásit bargoveahkahálddahussii, barggus bures veadjimii ja bargoaddipolitihkkii. Dan lassin bargiidhoavda doaibmá bálkáhálddahusa ja bargodearvvasvuođafuolahusa kontáktaolmmožin. Bargiidhoavda doaibmá almmolaš doaimmahagas hálddahushoavdda vuollásažžan.

Gelbbolašvuođaeaktun leat barggu eaktudan heivvolaš bajit allaskuvladutkkus ja sámegiela máhttu (ásahus 1727/95). Barggu ceavzilis dikšuma veahkehit sámekultuvrra viiddes dovdamuš, bargodovddiidus bargoveahkahálddahusa ja barggus bures veadjima ovddideamis, diehtu geavada bálvalangaskavuođaáššiin, erenomážit virgeolmmošlága ja stáhta virgeeaktosoahpamuša heiveheamis, ja dan lassin buorit ráđđádallan-, joavkkus bargan- ja gulahallandáiddut. Dan lassin ovdun gehččojuvvojit bargovuohki, mii ovddida oktasašbarggu ja ohcá čovdosiid, ja maiddái čehppodat gieđahallat máŋggaid earálágan bargguid vásttolaččat garra streassa vuolde.

Bargiidhoavdda bálká mearrašuvvá Sámedikki bálkávuogádaga gáibádusdási IV/I mielde (vuođđobálká 2986,12 €). Vuođđobálkká lassin barggus máksojuvvojit 24 %:a sámeguovllu lassi, dallego bargá sámeguovllus, ja maiddái ahkelasit, mat mearrašuvvet bargojagiid mielde. Barggus čuvvojuvvo guđa mánotbaji geahččalanáigi.

Ohcanreivve  sihke vejolaš ánsologahallama ja eará čuvvosiid galgá máhcahit Sámedikki čállingoddái 29.2.2024 rádjai dán ohcanskovi bokte (rahpasa ođđa ruvttui).

Lassidieđuid barggus addá hálddahushoavda Pia Ruotsala-Kangasniemi tel. 010 839 3106.

Sámedikki doibmii sáhttá oahpásmit neahttačujuhusas www.samediggi.fi

Anáris 29.1.2024

Sámediggi