Ođđa oahppomateriála Árdna fállá veahki álgooahpahussii!

Girjji govat Nora Bäck ja doadjin Katja Lettinen.
Sámediggi almmuha ođđa oahppogirjji álgooahpahussii. Árdna lea davvisámegielat eatnigiela ja girjjálašvuođa álgooahpahussii oaivvilduvvon hárjehusgirji, mii dievasmahttá ja geardduha vuosttas skuvlajagi fáttáid. Girji heive 1. luohká giđđii dahje 2. luohká čakčii oahppi ovdáneami mielde. Girjji sáhttá atnit maiddái ovttas eará girjjiiguin vuosttas ja nuppi skuvlajagi áigge. Dainna sáhttá bargagoahtit dalle, go oahppi dovdá bustávaid ja máhttá čatnat jietnadagaid oktii sátnin.
Árdna-oahppogirjji máŋggabealat lohkan- ja čállinhárjehusat, mat ovdánit gululdaga ja movttiidahttet oahppi čállit riggásut giela. Temáid gieđahallat iežas ollisvuohtan ja dihto gaskkaid lea sadji maiddái iešárvvoštallamii ja veardásašmáhcahahkii. Girječálli lea erenomášluohkkáoahpaheaddji Aura Pieski ja govaid oahppogirjái lea sárgon GEA-girjeráiddus oahpis govvadáiddár Nora Bäck. Girji almmuhuvvo fargga maiddái nuortalašgielat Ärbb´ giellaveršuvdnan, man lea heivehan ja jorgalan Esther Berelowitsch ovttasbarggus Maria Porsangeriin.
Oktanaga Árdna-oahppogirjjiin almmuhuvvo maiddái viiddis oahpaheaddjibagadus. Bagadusgirji fállá ideaid ja lassemateriála, maid sáhttá printet veahkkin oahpahussii. Oahpaheaddjibagadus almmuhuvvo digitála hámis. Árdna-oahppogirjji ja oahpaheaddjibagadusa sáhttá diŋgot lohkanjagi 2024–2025 álggus.
Lassedieđut:
Aura Pieski
Pedagogalaš sisdoallu/prošeaktabargi
aura.pieski@samediggi.fi
Marita Aikio
Oahppomateriálaplánejeaddji
040 662 9018
marita.aikio@samediggi.fi