Sámediggi ordne EU-válgapanela EU-válgaevttohasaide 2.6. dmu 16.00
Sámediggi lágida EU-válgapanela europarlameantaválgaevttohasaide Teams bokte sotnabeaivve 2.6. dii. 16.00.
Panelaoasseváldin leat Katri Kulmuni guovddášbellodagas, Annika Sipola álbmotlaš olgešbellodagas, Ari Mönttinen kristtalašdemokráhtain, Sara Seppänen vuođđosuopmelaččain, Eva Biaudet ruoŧŧelaš álbmotbellodagas, Viivi Järvelä sosiálademokráhtalaš bellodagas, Minna Minkkinen gurutlihtus ja Krista Mikkonen ruoná bellodagas. Láidesteaddjin dilálašvuođas doaibmá Sámedikki ságajođiheaddji Pirita Näkkäläjärvi ja mielde leat Sámedikki stivrra lahtut elege I várreságajođiheaddji Leo Aikio Anáris, II várreságajođiheaddji Tuomas Aslak Juuso Eanodagas, Karen-Anni Hetta Vuohčus, Tauno Ljetoff Anáris, Asko Länsman Ohcejogas ja Inka Musta Helssegis.
Dilálašvuohta lea suomagillii, iige dat tulkojuvvo. Dilálašvuođas vurkejuvvo bádden.
Válgapanela sáhtát čuovvut čujuhusas sajos.fi/live dahje Sámedikki Youtube-kanálas.
Sámedikkis golbma EU-ulbmila
Sámedikki ságajođiheaddji Pirita Näkkäläjärvi buvttii ovdan EU árktalaš forumis ja eamiálbmogiid dialogas Brysselis 15.5. doallan sáhkavuorustis Suoma Sámedikki EU-politihka golbma váldoulbmila. Dát ulbmilat leat:
- Bissovaš ráhkadusat sápmelaččaid oassálastimii EU mearrádusdahkamii ja maid
EU-áššiid gieđahallamis Suomas. - Dálkkádatnuppástussii vuogáiduvvanprográmma buot sápmelaččaid árbevirolaš ealáhusaide ja dasa doarvái buorre EU-ruhtadeapmi.
- Movttiidahttimat sápmelaš fitnodatdoallama ja sámeguovllu eallinfámu ovddideami várás dan sadjái, ahte Sápmái buktit veagal industriijalaš mihttoláva fitnuid, dego bieggafámu.
