Sámedikki almmuha ohcan láhkai ekonomiijačálli virggi

Ekonomiijačálli bargun lea ee. fuolahit Sámedikki ekonomiijahálddahusas, čuovvut Sámedikki jahkásaš bušeahta ollašuvvama, dikšut rehketdoalu ja ráhkadit ruhtadoalloloahpaheami sihke fuolahit Sámedikki aitosaš doaimma stáhtadoarjagiid ohcamis ja daid geavaheami guoski čilgehusaid addimis. Ekonomiijačálli bargguid birra lea mearriduvvon dárkilabbot Sámedikki bargoortnega 27 §:s.

Sámediggi lea sullii 75 bargi organisašuvdna, man bargit doibmet máŋggabealagit iešguđetlágan bargguin ja sierra vástusurggiin. Sámediggi lea okta dain sámiid ruovttuguovllu mearkkašahtti bargoaddiin. Sámedikki bargiid váldodoaibmabáikin lea Sámekulturguovddáš Sajos, Anáris, muhto bargit barget viidát sierra guovlluin Suomas ja sámeguovllus.

Bargu álgá 18.2.2025 dahje soahpamuša mielde.

Ekonomiijačálli doaibmá Sámedikki almmolaš doaimmahagas, ovttasbarggus ekonomiijadoaimmahaga eará bargiiguin, ekonomiijaplánejeaddjiin ja doaimmahatčálliin. Bargosadji lea Sámekulturguovddáš Sajosis, Anáris.

Gelbbolašvuođagáibádussan lea barggu eaktudan heivvolaš skuvlejupmi ja sámegiela máhttu (ásahus 1727/95). Barggu ceavzilis dikšuma veahkehit heivvolaš allaskuvladutkkus, ekonomiijahálddahusa ja hálddahusbargguid buorre dovddiidus, sihke buorit ovttasbargo- ja gulahallandáiddut. Barggus ceavzin eaktuda ekonomiijahálddahusa máhttima, áddejumi ekonomiijas, rehketdoalus ja goasttádusrehkenastimis. Barggus dárbbašuvvojit vásttolašvuođa lassin fuolalašvuohta, njuovžilvuohta, analyseren- ja problemačoavdindáidu ja maiddái máŋggaid áššiid seamma áigge hálddašeapmi. Mii vuordit gearggusvuođa iešráđálaš, vásttolaš bargamii ja buori streassa gierdannávcca. Geavahusas lea Fennoa elektrovnnalaš ekonomiijahálddahusa prográmma rehketčállimii, máksinjohtolaga dikšumii, raporteremii ja rehketdoalu várás nu, ahte daid dovdan gehččojuvvo maiddái ánsun.

Ekonomiijačálli bálkkámáksin mearrašuvvá Sámedikki bálkávuogádaga gáibádusdási IV/III mielde (vuođđobálká 2862,63 €).  Vuođđobálkká lassin barggus máksojuvvojit 24 % sámeguovllu lassi, jos bargá sámeguovllus, ja maiddái ahkelasit, mat mearrašuvvet bargovásáhusa mielde. Virggis čuvvojuvvo guđa mánotbaji geahččalanáigi.

Ohcamuša, ánsologahallama ja eará čuvvosiid ja duođaštusaid galgá doaimmahit Sámedikki čállingoddái 29.11.2024 rádjai dán ohcanskovi bokte (rahpasa ođđa ruvttui).

Lassedieđuid barggus addá hálddahushoavda Pia Ruotsala-Kangasniemi, tel. 010 839 3106.

Sámedikki doaimmaide sáhttá oahpásmuvvat neahttačujuhusas www.samediggi.fi.

Anáris 29.10.2024
Sámediggi


Juoge siiddu ovddosguvlui

Eará ođđasat