Sámedikki ekonomiijačállin álggahan Iida Nuorgam
Sámedikki stivra nammadii čoahkkimisttis 1/2025 ekonomiijačálli virgái Iida Nuorgam. Nuorgam lea bargan ovdal ee. Sámedikki almmolašhálddahusas ja gárvvásmuvvan gieskat tradenoman.
Govva: Johanna Alatorvinen / Sámediggi.
Iida Nuorgam lea ovdalis bargan Sámedikkis almmolaš doaimmahagas almmolašhálddahusa bargguin ovdamearkka dihte hálddahusplánejeaddjin sihke doaimmahatčállin. Su ekonomiijahálddahusa máhttu sihke Sámedikki dálá organisašuvnna sihke almmolaš- ja ekonomiijahálddahusa dovdan lea nanus. Ulbmilin lea beassat ovddidit ekonomiijahálddahusa máhtu ovttas oppa ekonomiijadoaimmahaga joavkkuin.
– Hui somá joatkit barggu oahpes bargobirrasis Sámedikkis ja beassat bargat sámeálbmoga ovdii. Ovddit bargohárjánupmi dáppe lea addán juo buori ollislašipmárdusa Sámedikki doaimmas, mii veahkeha áddet maid dálu ekonomiijahálddahusa viiddes ollisvuođa. Tradenoman gárvvásmuvven diibmá barggu olis ja leamašan fiinnis fuomášit, mo lean beassan juo ávkkástallat oahpuin boahtán máhtuin. Dál lea buorre joatkit ođđa hástalusaiguin, dadjá Nuorgam.
Sámediggi almmuhii ohcanláhkai ekonomiijačálli virggi jagi 2024 loahpageahčen, go ekonomiijačállin doaibman Irmeli Moilanen almmuhii ealáhahkii báhcimis. Ekonomiijačálli virgái bohte mearreáigái njeallje ohcamuša. Sámedikki stivra jearahalai buot ohcciid ja mearridii válljemis čoahkkimisttis 13.1.2025.
Jearahallamiid maŋŋá Sámedikki stivra válljii ovttamielalaččat ekonomiijačálli virgái Iida Nuorgam. Nuorgam lea álggahan barggustis guovvamánus 2025. Ekonomiijačálli bargá Sámedikkis almmolaš doaimmahagas doaibmi ekonomiijadoaimmahagas. Ekonomiijačálli bargun lea fuolahit sámedikki ekonomiijahálddahusas sihke dikšut sámedikki rehketdoalu ja ráhkadit ruhtadoalloloahpaheami guđege ruhtadoallobajis.
Lassediehtu:
Iida Nuorgam
Ekonomiijačálli
044 760 1001
iida.nuorgam@samediggi.fi
Pia Ruotsala-Kangasniemi
Hálddahushoavda
040 726 2688
pia.ruotsala@samediggi.fi
