Sääʹmteeʹǧǧ tällõspiisren lij alttääm Iida Nuorgam
Sääʹmteeʹǧǧ halltõs nõõmti såbbreʹstes 1/2025 tällõspiisar vergga Iida Nuorgam. Nuorgam lij tuejjääm ääiʹjben ouddm. Sääʹmteeʹǧǧ takaivaldšmest da valmštõõvvâm âiʹdde tradenoomân.
Snimldõk: Johanna Alatorvinen / Sääʹmteʹǧǧ.
Iida Nuorgam lij ääiʹjab tuejjääm Sääʹmteeʹǧǧest takaikonttrest takaivaaldâšm tuâjaid ouddmiârkkân vaaldâšmplaaneeʹjen di koontârpiisren. Suu tällõsvaaldâšm silttummšes di Sääʹmteeʹǧǧ ânnʼjõž organisaatio nuʹt takai- ǥu tällõsvaaldâšm tobddmõš lij tuõʹđi pueʹrr. Täävtõssân lij piâssâd viikkâd ooudâs tällõsvaaldâšm silttummuž obb tällõskonttâr joouk viõǥǥin.
– Lij samai hääʹsǩ juäʹtǩǩed tuâj toobdâs tuâjjpirrõõzzâst Sääʹmteeʹǧǧest da piâssâd tuejjeed tuâj sääʹm-meer pueʹrren. Ääiʹjbuž tuâjj tääiʹben uuʹdi juʹn šiõǥǥ kovvõõzz Sääʹmteeʹǧǧ täimmjummšest, mii teâđast vieʹǩǩti fiʹttjed še tääl tällõsvaaldâšm veeidas obbvuõđ. Tradenoomân valmštõʹvvem mõõnni eeʹjjest tuâjai paaldâst da lij leämmaž hääʹsǩ vuâmmšed, mäʹhtt pieʹssem juʹn äuʹǩǩeed määttain šõddâm silttummuž. De lij šiõǥǥ juäʹtǩǩed ååʹn ođđ aaʹšši pirr, särnn Nuorgam.
Sääʹmteʹǧǧ teâđti, što ooccâmnalla lij tällõspiisar veʹrǧǧ eeʹjj 2024 looppbeäʹlnn, ǥu tällõspiisren tåimmam Irmeli Moilanen iʹlmmti jeältõʹǩǩe kuâđđjumšest. Tällõspiisar vergga oʹcce mieʹrräigga mõõneeʹst nellj oummu. Sääʹmteeʹǧǧ halltõs mainstõõʹtti ooʒʒjid da tuejjii tuʹmmstõõǥǥ vaalšummšest såbbreʹstes 13.1.2025.
Mainstâttmõõžži mâŋŋa Sääʹmteeʹǧǧ halltõs vaalši õõutmiõʹlle Iida Nuorgam tällõspiisar vergga. Nuorgam alttii tuâj täʹlvvmannust 2025. Tällõspiisar tåimm Sääʹmteeʹǧǧest takaikonttrest toiʹmmjeei tällõskonttrest. Tällõspiisar tuâjjan lij ââʹnned huõl teeʹǧǧ tällõsvaldšmest di håiddad teeʹǧǧ ǩeeʹrjtueʹllʼjõõzz da raajjâd tiillǩiõrǥtõs juõʹǩǩ tiillpââʹjest.
Lââʹssteâđ:
Iida Nuorgam
Tällõspiisar
044 760 1001
iida.nuorgam@samediggi.fi
Pia Ruotsala-Kangasniemi
Vaaldâšmjååʹđteeʹjj
040 726 2688
pia.ruotsala@samediggi.fi
