Sámedikki stivrii 22 njulgengáibádusa ođđasit ordnejuvvon válggaid bohtosis
Sámediggi lea vuostáváldán 22 njulgengáibádusa mearreáiggi rádjai ođđasit ordnejuvvon sámediggeválggaid bohtosis. Sámedikki stivra gieđahallá njulgengáibádusaid hohpolaččat ja maŋimuštá ovdal válgajagi loahpa.
Govva: Sámediggi
Sámedikki válgalávdegotti nannen bohtosis dahkkon njulgengáibádusaid lea galgan doaimmahit Sámedikki stivrii 14 beaivve dan beaivvi rájes, go válgalávdegoddi lea nannen válggaid bohtosa. Sámedikki válgalávdegoddi nannii ođđasit ordnejuvvon válggaid bohtosa čoahkkimisttis 3.7.2024.
Sámediggelága 40 § mielde jietnavuoigadahtton olmmoš, guhte oaidná, ahte válgalávdegotti mearrádus válggaid bohtosa nannemis dahje válggaid doaimmaheapmái laktáseaddji eará doaibmabidju lea lága vuostá, sáhttá dahkat Sámedikki stivrii njulgengáibádusa.
Mearreáiggi rádjai Sámediggi vuostáválddii 22 njulgengáibádusa. Sámedikki stivra gieđahallá čoahkkimisttis sámediggelága 40 § 2 momeantta mielde njulgengáibádusaid hohpolaččat ja ovdal válgajagi loahpa.
Lassediehtu:
Mearrádusdahkama oasil:
Pirita Näkkäläjärvi
Ságadoalli
044 753 3766
pirita.nakkalajarvi@samediggi.fi
Ságadoalli luomus 22.7.–6.8.
Leo Aikio
I várreságadoalli
040 621 6505
leo.aikio@samediggi.fi
Vásttolaš ságadoallin 22.–23.7. sihke 5.–6.8.
Tuomas Aslak Juuso
II várreságadoalli
040 687 3394
tuomas.juuso@samediggi.fi
Vásttolaš ságadoallin 24.7.–2.8.
Liŋkkat:
