Sääʹmteeʹǧǧ halltõʹsse pueʹtte 22 vuõiǥeemkaiʹbbjõssâd ođsmõttum vaali puäđõõzzâst
Sääʹmteʹǧǧ lij vuâsttavälddam 22 vuõiǥeemkaiʹbbjõssâd mieʹrräigga mõõneeʹst ođsmõttum sääʹmteʹǧǧvaali puäđõõzzâst. Sääʹmteeʹǧǧ halltõs ǩiõttʼtââll vuõiǥeemkaiʹbbjõõzzid ǩirrsânji da mââimõõzzâst ouddâl vaaleeʹjj loopp.
Snimldõk: Sääʹmteʹǧǧ
Sääʹmteeʹǧǧ vaal-luʹvddkååʹdd raʹvvjem puäđõõzzâst tuejjuum vuõiǥeemkaiʹbbjõõzzid lij õlggâm tååimted Sääʹmteeʹǧǧ halltõʹsse 14. peeiʹv tõn peeiʹvest, kuäʹss vaal-luʹvddkåʹdd lij raʹvvjam vaali puäđõõzz. Sääʹmteeʹǧǧ vaal-luʹvddkåʹdd raʹvvji ođsmõttum vaali puäđõõzz såbbreʹstes 3.7.2024.
Sääʹmteʹǧǧlääʹjj 40 § mieʹldd jiõnstemvuõiggâdvuõttneǩ, kååʹtt ǩeäčč, što vaal-luʹvddkååʹdd tuʹmmstõk vaali puäđõõzz raʹvvjummšest leʹbe vaali tååimtummša õhttneei jeeʹres tåimm lij lääʹjjvuâsttsaž, vuäitt tuejjeed Sääʹmteeʹǧǧ halltõʹsse vuõiǥeemkaiʹbbjõõzz.
Mieʹrräigga mõõneeʹst Sääʹmteʹǧǧ vuâsttavaaʹldi 22 vuõiǥeemkaiʹbbjõssâd. Sääʹmteeʹǧǧ halltõs ǩiõttʼtââll såbbreʹstes sääʹmteʹǧǧlääʹjj 40 § 2 momeeʹnt meâldlânji vuõiǥeemkaiʹbbjõõzzid ǩirrsânji da ouddâl vaaleeʹjj loopp.
Lââʹssteâđ:
Tuʹmmstõktuâj vueʹzzeld:
Pirita Näkkäläjärvi
Saaǥǥjååʹđteei
044 7533 766
pirita.nakkalajarvi@samediggi.fi
Saaǥǥjååʹđteei luämast 22.7.–6.8.
Leo Aikio
I väärrsaaǥǥjååʹđteei
040 6216 505
leo.aikio@samediggi.fi
Vaʹstteei saaǥǥjååʹđteeʹjen 22.–23.7. di 5.–6.8.
Tuomas Aslak Juuso
II väärrsaaǥǥjååʹđteei
040 6873 394
tuomas.juuso@samediggi.fi
Vaʹstteei saaǥǥjååʹđteeʹjen 24.7.–2.8.
Liiŋk:
