Vaaljâlävdikodde
Sämitige asâttem valjâlävdikode pargon lii valmâštâllâđ já olášuttiđ Sämitige vaaljâid. Valjâlävdikodde kieđâvuš ucâmušâid valjâluvâttâlmân, meerrid occee merkkiimist toos já ráhtá valjâluvâttâllâm. Valjâlävdikode pargoid kulá lasseen lovottuvâi rähtim ei. jienâvuoigâdvuođâlij já sämikielâ sárnoi meerijn.
Valjâlävdikoodán kuleh saavâjođetteijee já kuttâ eres jeessân, main juáhháást lii persovnlâš värijeessân. Lävdikoddeest kalga leđe jeessân já värijeessân Aanaar, Ucjuv já Iänuduv kieldâin sehe Suáđigil kieldâ Laapi palgâs kuávlust. Valjâlävdikoddeest kalga meid leđe säämi kielâlaavâ (1086/2003) 3 § 1 saajeest uáivildum sämikielâi äššitubdâmuš.
Sämitige stiivrâ jeessân tâi värijeessân teikkâ nubástusuuccâmlävdikode jeessân tâi värijeessân ij pyevti leđe valjâlävdikode jesânin ige värijesânin.
