EU-válggat 2024

Europarlameantaválggat doaimmahuvvojit 6.–9.6.2024 buot EU:a lahttoriikkain. Suomas europarlameantaválggaid válgabeaivi lea sotnabeaivi 9.6.2024.

Eurohpa parlamentii válljejuvvojit 720 lahtu dahjege meppi, geat ovddastit Eurohpa uniovnna álbmotlahtuid uniovnna dásis. Parlamentii válljejuvvojit Suomas 15 lahtu.

Eurohpa parlameanta lea Eurohpa uniovnna álbmotovddastuslágádus, mii ásaha lágaid ja dohkkeha EU:a bušeahta ovttas Eurohpa uniovnna ráđiin. Dan lassin parlameanta gohcá kommišuvnna ja EU:a virgebáikkiid.