Dálkadatrievdadeapmái váldojuvvui beali - boahtteáigi mánáid čálmmiiguin
Lea skábmamánnu 18. beaivi, muohta ii leat eatnamis, vaikko dán muttos áigge galggašii leat albma dálvi sámiid ruoktoguovllus. Muhto manái ges nuppeládje, arva ja muohta ii oidno šat eatnamis. Šaddetgo dáppe muhtumin pálbma-muorat? Leatgo vuovdebuollimat árgabeaivi dáppe? Ruskát leat gávdnamis luonddus, čáhcádagain ja togat vudje maid davvin. Eananspábba lea dego olmmoš, geas leat dovddut sadjogasas. Dálkadatrievdadeami geažil dálkkit maiddái rivdet ja seaguhit eallima jorribiekka ládje. Dákkár jurdagiid sámi mánáidkulturguovddáš Mánu gilvvu govat muitalit geahččái.
Oktiibuot gilvui bohte 80 gova. Moatti govas ledje eambbo go okta dahkki ja dat ledje sierra joavkun almmuhuvvon. Govat bohte Anáris, Avvilis, Garesávvonis, Helssegis, Heahtás, Vuohčus ja Čeavetjávrris.
16-18 -jahkasaččat eai oassálastan muhto okta 6- jahkasaš searvvai vuorddikeahtta gilvui iežas bargguin.
Maŋŋel duopmargoddi árvvoštalla govaid ja vállje juohke gilvojoavkkus ovtta gii bálkašuvvo. Duopmárat leat: filbma-bagadalli Sunna Nousuniemi, badjeolmmoš Jussa Seurujärvi ja Cree -albmogii gullevaš Mandy Gull. Gilvvu bohtosat almmuhuvvojit 30.11.2020.
Mánáid vuoigatvuođaid beaivi lea levgenbeaivi 20.11.bearjadaga. Dán jagi mánáid vuoigatvuođaidbeaivvi fáddán lea boahtteáigi. Čájáhus rahpojuvvo sámedikki neahtta-siidduin ja Mánu fb-siiddus. Bures boahtin oahpasnuvvat mánáid ja nuoraid govaide dálkadatrievdadeámis.
– mii ieš alddis lea juo dáppe.
Mánát ja nuorat leat iežaset boahtteáiggi huksejeaddjit.
Sii fuoláhit boahtteáiggis.
Lássedieđut:
Gilvvu duopmárat leat Jussa Seurujärvi, Sunna Nousuniemi ja Mandy Gull.
Jussa Seurujärvi lea nuorra badjeolmmoš, gii háliida joatkit boazobargguin ja dainnalágiin joatkit maid iežas soga árbevieruid. Vaikko son leage nuorra, lea son geargan vásihit luonddu rievdadusaid iešguđet hámis. Vaikko dálkadatrievdadeapmái ferte vuogáiduvvat, sus lea doaivva.
Sunna Nousuniemi lea filbmasuorggi nuorra dáiddár. Nousuniemi lea čeahpes govvadáiddár ja váldá maiddái beali máŋggabealalaččat gova bokte. Son lea otnabeaivvi sápmelaš máinnasteaddji, gii duosta ovdánbuktit maid eallima váddaset beliid. Nuorra sápmelažžii lea hui lunddolaš ovttasbargat eará álgoálbmogiiguin. Son lea bargan Skábmagovat -filbmafestivála buvttadeamis.
Mandy Gull lea algoalbmot-politihkas mielde. Son lea Waswanipi Cree albmoga First Nationa láhttu. Son lea nubbi várrehoavda. Váljejuvvon virgeolbmon son lea ovddastan iežas servvoša ekonomalaš ovdáneamis, birasgádjuma ja Cree-eallinvuogi suodjaleamis. Son lea álgoálbmot-áššiiguin aktiivvalaš ja iežas áiggiin duddjo. Gull ovddasta albmoga geat leat čatnasan sudjet áitojuvvon karibu orrunguovllu ja dáistalit dálkádatrievdama vuosta.
