Ođđa dieđut AHR 65 válgalogahallanmearrádusas ovttaveardásašvuođaáittardeaddji diehtobivdaga bokte – Sámedikki válgalávdegoddi ja stivra eai vealahan váidaleaddjiid
Sámediggi lea ožžon ođđa dieđuid, mat laktásit alimus hálddahusrievtti (AHR) mearrádusaide 27.3.2024. Ovttaveardásašvuođaáittardeaddji diehtobivdaga mielde, maid gaskkustii Sámediggái, AHR mearrádusain 27.3.2024 eai erenomážit badjánan ovdan oainnut, mat laktásit vealahangildosii.
– Ovttaveardásašvuođaáittardeaddji diehtobivdagii AHR:s boahtán vástádus dárkkuha dan, ahte Sámedikki válgalávdegoddi ja stivra eai leat olgguštan váidaleaddjiid AHR 65 mearrádusas, maid dat attii njukčamánus 2024. Dát vástida min iežamet áddejumi das, ahte čuoččuhusat Sámedikki válgalávdegoddi dahje stivra ollašuhttán vealaheamis leat ákkaheamet, dadjá Sámedikki ságajođiheaddji Pirita Näkkäläjärvi.
Duogážin áššái lea dat, ahte AHR mearridii 27.3.2024, ahte maŋálgihtii galgá merket 65 olbmo Sámedikki jagi 2023 lágafámu ožžon válgalogahallamii Sámedikki orgánaid mearrádusaid vuostásaččat, ja ahte Sámediggeválggaid galgá ordnet ođđasit. Sámedikki ođđa válggat doaimmahuvvojit 3.6.–1.7.2024.
Ovttaveardásašvuođaáittardeaddji dagai diehtobivdaga AHR:i ja doaimmahii dasto diehtobivdaga bohtosiid Sámediggái.
– Ovttaveardásašvuođaáittardeaddji doaimmahaga sierra dihtoštaladettiin AHR:s, leago dat gávnnahan, ahte jagi 2023 válggaid guoski mearrádusain Sámedikki válgalávdegoddi dahje stivra leat vealahan ohcciid, AHR attii 6.5.2024 čielga vástádusa, man mielde oainnut, mat laktásit vealahangildosii, eai badjánan erenomážit ovdan AHR addin mearrádusain, muitala ságajođiheaddji Näkkäläjärvi.
Ságajođiheaddji Näkkäläjärvi: Mearkkašupmi polesdutkamii, mii lea dál jođus
AHR vástádusas lea mearkkašupmi polesdutkamii, mii lea jođus, ja mii Lappi polesa dieđáhusaid mielde guoská Sámedikki válgalávdegotti sihke stivrra 2020–23, muitala ságajođiheaddji Näkkäläjärvi.
Lappi poles lea almmolaččat almmuhan, ahte ain dutká muitalkeahttá das dárkilabbot Sámedikki válgalávdegotti ja ovddit stivrra lahtuid eahpiduvvon rihkkosiin, danin go buot jienastanlohkui áigon olbmot eai dohkkehuvvon jietnavuoigadahtton olmmožin jagi 2023 Sámediggeválggaide. Válgalávdegotti muhtin dahje buot lahtut navdojuvvojit polesa dieđáhusa 13.3.2024 mielde vealaheamis ja virgegeatnegasvuođa rihkkumis. Poles dieđihii 27.5.2024, ahte maiddái muhtin dahje buot Sámedikki stivrra lahtut 2020–23 leat navdojuvvon rihkkosis. Geasage ii goittotge leat doaisttážii almmuhuvvon, ahte poles navddášii su rihkkosis.
– Vealaheami čujuheapmin poles várra atná dan, ahte AHR mearridii njukčamánus, ahte 65 olbmo galgá maŋálgihtii merket jietnavuoigadahtton olmmožin Sámedikki orgánaid mearrádusaid vuostásaččat, ja ahte Sámediggeválggaid galgá ordnet ođđasit. Ovttaveardásašvuođaáittardeaddji diehtobivdaga vástádusa mielde AHR ii goittotge iežas mearrádusain oaidnán Sámedikki válgalávdegotti ja stivrra mearrádusain makkárge vealaheami, dadjá ságajođiheaddji Näkkäläjärvi.
Ovttaveardásašvuođalága vuosttamuš gohcinvirgeoapmahažžan doaibmá ovttaveardásašvuođaáittardeaddji, gii ii leat gávnnahan áššis vealaheami.
– Dan lassin lea mearkkašahtti, ahte áššeoppalašvuođa dáfus AHR mearkkašahtti jahkegirjemearrádusas AHR 2024:44 gávnnahuvvui, ahte áššái lea laktásan vuoigatvuođalaš eahpečielggasvuohta, ja guoskevaš jahkegirjemearrádusas maiddái jienastuvvui jienain 5-2. Nappo guokte AHR duopmára ledje Sámedikki válgalávdegottiin ja stivrrain seamma oaivilis, muitala ságajođiheaddji Näkkäläjärvi.
Lassidieđut
Pirita Näkkäläjärvi
Ságajođiheaddji
044 7533 766
pirita.nakkalajarvi@samediggi.fi
