Sámediggi almmustahttá iežas neahttasiidduid duohtavuođa- ja soabadanproseassa birra
Sámediggi almmustahttá 8.10.2020 iežas neahttasiidduid duohtavuođa- ja soabadanproseassa birra. Siidduide leat čohkkejuvvon dehalamos dieđut proseassa birra ja dan ovdáneamis, sihke ovdanbuktojuvvon Sámediggái evttohuvvon duohtavuođa- ja soabadankomissáraevttohasat. Neahttasiidduin dieđihuvvo duohtavuođa- ja soabadanproseassa áigetávvaliin sihke duohtavuođa- ja soabadankomissáraid válljemii laktáseaddji gullandilálašvuođain, mat lágiduvvojit dál čakčat.
”Neahttasiidduid vehkiin háliidat sihkkarastit, ahte sámi álbmogis lea duohta áššiide vuođđuduvvi ja áigeguovdilis diehtu oažžumis Sámedikki doaimmaid birra, mat laktásit duohtavuođa- ja soabadankomišuvdnii ja dan vuođđudeapmái,” gávnnaha Sámedikki ságadoalli Tuomas Aslak Juuso.
Sámedikki lassin Stáhtaráđi kansliija lea vuođđudan iežas neahttasiidduid mat laktásit duohtavuođa- ja soabadankomišuvnna bargui.
Sámedikki neahttasiidduin almmustahttojit komissáraevttohasaid videočájáhallamat, mat čájehuvvojit maid Sámedikki golggot-skábmamánu molsagis lágidan komissáraid válljemii laktáseaddji gullandilálašvuođain. Komissáraevttohasat eai ieža leat báikki alde gullandilálašvuođain. Dilálašvuođain olbmuin lea vejolašvuohta ovdanbuktit oainnuideaset komissárain gáibiduvvon iešvuođain ja máhttimis sihke ovdanbuktit guottáhusaset evttohassan leahkki olbmuide.
Gullandilálašvuođat lágiduvvojit buot Sámiid ruovttuguovllu gielddain. Lassin lágiduvvo fierbmegullan erenoamážit sámeguovllu olggobealde orru olbmuide sihke nuoraid gullan ovttas nuoraidráđiin. Ovddabealde máinnašuvvon áššiid lassin juohkehaččas lea vejolašvuohta ovdanbuktit iežas oaivila boastta dahje šleađgaboastta bokte. Gullamiid dárkilut áiggiin dieđihuvvo maŋŋelis Sámedikki neahttasiidduin ja báikkálaš aviissain.
https://samediggi.fi/samiid-duohtavuoda-ja-soabadankomisuvdna/?lang=dav
Lassedieđut
ságadoalli Tuomas Aslak Juuso tel. 040 687 3394, tuomas.juuso(at)samediggi.fi
II várreságadoalli Leo Aikio tel. 040 621 6505, leo.aikio(at)samediggi.fi
ságadoalli veahkki Laura Olsén-Ljetoff puh. 040 617 5113, laura.olsen-ljetoff(at)samediggi.fi
