Ođđ ouddčiõlǥtõs õlmstõttum: sääʹmǩiõllsai sosiaal- da tiõrvâsvuõttkääzzkõõzzi kulttuursaž vaaiktõs

Õhttsažkåʹddtiõttji tohttor Lydia Heikkilä (2025) raajjâm ouddčiõlǥtõs ǩiõttʼtââll sosiaal- da tiõrvâsvuõttkääzzkõõzzi kulttuursa vaaiktemvuõđ sääʹm ǩiõččâmvueʹjjest. Ouddčiõlǥtõõzz mieʹldd kääzzkõõzzi tuõrvvmõššân jurddum riikkveäʹǩǩteäʹǧǧ lij vääžnai vueʹss kääzzkõsriâžldõõǥǥ, da tuäʹrjj säʹmmlai alggmeervuõiggâdvuõđi čõõđviikkmõõžž.

Čiõlǥtõõzz täävtõssân lij vueiʹnned alggmeerǩiõččâmvueʹjjest kõskksa kulttuursa vaaiktemvuõđ vueʹsstuejjeei di lââʹzzted fiʹttjõõzz kääzzkõõzzi jäʹrjstummuž da čõõđviikkmõõžž spesiaalkõõččmõõžžâst, jeäʹrben vuåppmõõžž da vaaiktõõzzi ärvvtõõllmõõžž naaʹlin.

Sääʹmteeʹǧǧ mieʹldd riikkveäʹǩǩtieʹǧǧin puuʹtʼtum kääzzkõõzz tillʼlâʹvve sääʹmõhttsažkååʹdd da –kulttuur kõskksaž paaiʹǩid, diǥu kääzzkõõzzid, koid viiǥǥât čõõđ säʹmmlai äärvai di nääʹllkulttuur meâldlânji. Täk kääzzkõõzz raavee säʹmmlai vuõiggâdvuõđ jiijjâsǩiõllsaid da kulttuurmeâldlaž kääzzkõõzzid vueʹssen alggmeervuõiggâdvuõđid.

Ouddčiõlǥtõs lij rajjum Tâʹvv-Lääʹddjânnam sosiaalsueʹrj siltteemkõõskõõzz sääʹmjuâkkaz pååđtuâjjan. Tuâj teeʹm vaalšummuš da tuâjjohjjummuš lij čõõđ vikkum õhttsažtuâjast Sääʹmteeʹǧǧ sosiaal- da tiõrvâsvuõttluʹvddkooʹddin.

Ouddčiõlǥtõs