Ooʒʒ mieʹldd nuõrisuåvtõõzz toiʹmmjempâjja 2026-2027!
Ǩeäss-a tuʹst miõll vaaikted sääʹmnuõri aaʹššid? Sääʹmteeʹǧǧ nuõrisuåvtõõzz ođđ toiʹmmjempââʹjj älgg eeʹjj 2026 aalǥâst, da loppeeʹjj poodd ooccâp ođđ älšsmam nuõrid mieʹldd pueʹtti toiʹmmjempâjja kueiʹteeǥǥas.
Ooʒʒõõđ mieʹldd, jõs leäk:
- Aktiivlaž sääʹmnuõrr da haaʹlääk oouʹdeed sääʹmnuõri aaʹššid
- Väʹlddveärlaž vuäzzliʹžžen, jõs leäk nuõrisuåvtõõzz šiõtteempoodd 18-28-âkksaž
- Äʹšštobddivuäzzliʹžžen, jõs leäk šiõtteempoodd 15-17-âkksaž
Vuäitak še eʹtǩǩeed ǩeän-ne nuuʹbb nuõrisuåvtõʹsse suu miâsttmõõžžines. Nuõrisuåvtõs tuejjad eʹtǩǩõõzz pueʹtti norrõõzzâst, da Sääʹmteeʹǧǧ tiuddsååbbar raavad tuʹmmstõõǥǥ.
Vueʹlj mieʹldd vaaikted!
Nuõrisuåvtõs nårrai čiččmest väʹlddveärlaž vuäzzlast, sij väärrniiʹǩǩin di vueiʹtlvažvuõđi mieʹldd nuõrisuåvtõs vuäitt nõõmted jiõccses jäänmõsân vitt äʹšštobddivuäzzla. Toiʹmmjempââʹjj peštt kueʹhtt eeʹjj.
Vuäzzlain ij taarbâž leeʹd Sääʹmteeʹǧǧ vuäzzlaž, ij-ǥa seeʹst taarbaš jälsted sääʹmvuuʹdest. Vaʹlljummšest vääʹldet lokku, što vuäzzla eeʹttkâʹstte vueiʹtlva kääʹtteeʹl sääʹmvuuʹd di jeeʹres ǩiõlljooukid. Vaʹlljummšest jääʹǩǩtet še sooǥǥbeäʹli kõskksa tääʹssäärv.
Nääiʹt ooʒʒak mieʹldd
Nuõrisuåvtõʹsse vuäitak ooccâd 20.11.2025 mõõneeʹst:
- Tiuddeeʹl ooccâmlomaakk
- vuõltteeʹl ooccâmǩeeʹrj liâdǥlânji: info(at)samediggi.fi leʹbe pååʹšt mieʹldd:
Nuorisoneuvosto, jäsenhaku
Saamelaiskulttuurikeskus Sajos
FIN-99870 Inari
Lââʹssteâđaid oudd
Saana Aikio
vs. Nuõripiisar
044 494 6200
saana.aikio@samediggi.fi
