Säʹmmlai dommvuuʹd luâttsuõjjlemaaʹšši diõtt noorõʹtteš Čeʹvetjäurra
Pirrõsministeria, Lappi JJP-kõõskõs, Meäʹcchalltõs, Saaʹmi Siidsååbbar da Sääʹmteʹǧǧ noorõʹtte Luâttsuõjjlemtegga nuõrttsääʹmvoudda Čeʹvetjäurra 23.-24.9.2025. Luâttsuõjjlemteʹǧǧ lij säʹmmlai dommvuuʹd riikk jânnmi luâttsuõjjlummšest vaʹstteei veʹrǧǧniiʹǩǩi da Sääʹmteeʹǧǧ õhttsažtuâj oouʹdeei juõʹǩǩ eeʹjj jäʹrjstum kaaunõõttmõš. Tän eeʹjj teeʹmmen leäi nuõrttsäʹmmlai kulttuur da kaaunõõttmõõžž äiʹǧǧen kueʹssješ nuõrttsäʹmmlai äʹrbbvuõttpõõrtâst.
Pirrõsministeria, Lappi JJP-kõõskõs, Meäʹcchalltõs, Saaʹmi Siidsååbbar da Sääʹmteʹǧǧ noorõʹtte Luâttsuõjjlemtegga Čeʹvetjäurra 23.-24.9.2025.
Kaaunõõttmõõžžâst mõʹnneš čõõđ organisaatioi ääiʹjpoddsaž aaʹššid. Saǥstõõllmõõžž leäi veiddsânji EU tuâlʼjâʹttemasetõõzz meersaž toimmupiijjmest sa Säʹmmlai dommvuuʹd jânnamjååttlõõǥǥ kuõskki kõõččmõõžžid.
– Luâttsuõjjlemteʹǧǧ lij juʹn äʹrbbvuõđliʹžžen šõddâm kaallšõs õhttsažtuâjjkaaunõõttmõš da âânam pueʹrren, što tuõʹllʼjep ǩidd kaaunõõttmõõžž jäʹrjstummšest eeǥǥlânji, tuâtt I väärrsaaǥǥjååʹđteei Leo Aikio.
Sääʹmteeʹǧǧest Luâttsuõjjlemtegga vuässõʹtte II väärrsaaǥǥjååʹđteei Leo Aikio, jieʹllemvueʹǩǩ- da pirrõslääʹǩǩpiisar Sarita Kämäräinen, jieʹllemvueʹǩǩpiisar Laura Olsén-Ljetoff da vs. pirrõspiisar Leena Niska. Luâttsuõjjlemteʹǧǧ lij noorõõttâm eeʹjjest 2002 ääʹljeeʹl.
Lââʹssteâđ:
Leo Aikio
I väärrsaaǥǥjååʹđteei
040 621 6505
leo.aikio@samediggi.fi
