Sääʹmteeʹǧǧ saaǥǥjååʹđteeikååʹdd ǩeäissjuâkk mieʹrruum

Sääʹmteeʹǧǧ tuâjjriâššmõš oudd saaǥǥjååʹđteeja vueiʹttemvuõđ delegâʹstted tuâjaid väärrsaaǥǥjååʹđteeʹjid.

– Âânam tääʹrǩes äʹššen, što vaʹstteemvuõđ vueiʹtet jueʹǩǩed saaǥǥjååʹđteeikååʹdd kõõsk. Ǩeäissjuâkk tuärjjad nuʹtt aaʹššid vuäjjnummuž ǥu toiʹmmjem viõusummuš, särnn Sääʹmteeʹǧǧ saaǥǥjååʹđteei Pirita Näkkäläjärvi.

Juõʹǩǩ jeeʹrab saaǥǥjååʹđteeivuäzzla vaʹstteem vueʹlnn lie jiiʹjjes vaʹstteemsektoori ceälkkmõõžž, eʹtǩǩõõzz, alttõõzz da peäʹlvälddmõõžž di jeeʹres vaʹstteei äʹššǩeeʹrj.

Lââʹssen saaǥǥjååʹđteeikåʹdd lij suåppâm aaʹššin, kookk lie saaǥǥjååʹđteeikååʹdd õhttsaž vaʹstteem vueʹlnn.

Vueʹlnn listt saaǥǥjååʹđteei di väärrsaaǥǥjååʹđteeʹji vaʹstteemvuuʹdin.

Saaǥǥjååʹđteei Pirita Näkkäläjärvi:

• tiuddvaʹsttummuš da šuurab proseeʹss
• budjeʹttääʹšš
• kåʹddõhttsažtuâjj
• väʹlddvaʹstteemvuõtt meeraikõskksaž toiʹmmjummšest da meeraikõskksaž tååim kuõskeeʹl jeäʹrben ooumažvuõiggâdvuõđ
• EU-ääʹšš
• kulttuurääʹšš
• päärnaikulttuur-, jieʹllikartt- da musikk-kõõskõståimm, Ǩiõttuâjjakatemia (Duodji-akatemia)
• kulttuuräʹrbb
• âʹbrrjohssääʹšš
• ÕM ooumažvuõiggâdvuõttsuåvtõõzz kuõskki ääʹšš (õhttsažtuâjast II väärrsaaǥǥjååʹđteeʹjin)
• gååradsäʹmmlai ääʹšš (õhttsažtuâjast II väärrsaaǥǥjååʹđteeʹjin)

I väärrsaaǥǥjååʹđteei Leo Aikio:

• jieʹllemvueʹǩǩ-, vuõiggâdvuõtt- da pirrõsääʹšš
• sääʹmturismm
• aanarsäʹmmlai ääʹšš
• jieʹllemvueʹǩǩharjjteeʹji sosiaalstaan
• Teän kuõskki ääʹšš

II väärrsaaǥǥjååʹđteei Tuomas Aslak Juuso:

• sääʹmǩiõl
• õuddpeâmm
• škooultõsääʹšš
• sosiaal- da tiõrvâsvuõtthuâll
• õhttsažtuâjj Lappi pueʹrrvââjjamvuuʹdin
• eeʹttiǩ-kåʹddjoouki õhttsažtuâjjorgaan saaǥǥjååʹđteei tuâj
• nuõriääʹšš
• jeeʹres sosiaalstaan
• vuässõõttâmvuõiggâdvuõttproseʹss meeraikõskksaž toiʹmmjummšest
• ÕM ooumažvuõiggâdvuõttsuåvtõõzz kuõskki ääʹšš (õhttsažtuâjast saaǥǥjååʹđteeʹjin)
• gååradsäʹmmlai ääʹšš (õhttsažtuâjast saaǥǥjååʹđteeʹjin)

Saaǥǥjååʹđteeikåʹdd õõutsââʹjest:

• sääʹmteʹǧǧlääʹǩǩoođõs
• äimm-muuttâs, luâttjaukkmõš
• tuõttvuõtt- da suåvâdvuõttproseʹss
• tâʹvvjânnmallaš sääʹmsuåppmõš

Lââʹssteâđ:

Pirita Näkkäläjärvi
Saaǥǥjååʹđteei
044 7533 766
pirita.nakkalajarvi@samediggi.fi

Leo Aikio
I väärrsaaǥǥjååʹđteei
040 621 6505
leo.aikio@samediggi.fi

Tuomas Aslak Juuso
II väärrsaaǥǥjååʹđteei
040 687 3394
tuomas.juuso@samediggi.fi