Sääʹmteeʹǧǧ vaal-luʹvddkåʹdd ååcc koontârpiisar
Sääʹmteeʹǧǧ vaal-luʹvddkåʹdd iʹlmmat ooccâmnalla koontârpiisar mieʹrräiggsaž tuâj.
Koontârpiisar tuâjjan lij vaal-luʹvddkååʹdd vuâllsiʹžžen ââʹnned huõl eeʹjj 2027 sääʹmteʹǧǧvaali valmštõõllma di tåimmapiijjma kuulli tuâjain, kookk lie jm. pueʹtti da vuõʹlǧǧi pååʹšt diariâsttmõš, vaaläʹššǩiiʹrji pååštʼtummuž valmštõõllmõš, äʹššǩiiʹrji kopiâsttmõš da pååštʼtummuš di jeeʹres takai koontârtuâj da vaal-luʹvddkååʹdd piisar jeeʹrben meäʹrreem tuâj.
Kääzzkõskõskkvuõđ teâđ
Tuâjj älgg 7.1.2026 leʹbe suåppmõõžž mieʹldd da tõt juätkkai 31.12.2027 räjja.
Veʹrǧǧkõskkvuõđ teâuddmõõžžâst ââʹnet neellj määnpââʹj ǩiččlõddâmääiʹj. Vaal-luʹvddkååʹdd tåimmpäiʹǩǩ lij sääʹmkulttuurkõõskõs Sajoozzâst, Aanrest.
Ooccjest vueʹrddep
Šiõttõsvuâđlaž ââʹntemkaiʹbbjõsân lij tuõjju šiõttlõs škooultõs da lââʹssen kaiʹbbjet sääʹmǩiõl tääid (asetõs 1727/95). Harjjnummuž vaal-luʹvddkååʹdd tuõjju ǩiõččât pueʹrren.
Paʹlǩǩummuš
Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz VI da II joouk mieʹldd (vuâđđpäʹlǩǩ 2192,12 euʹrred/mp). Vuâđđpääʹlǩ õõl määuʹset säʹmmlai dommvuuʹdest tueʹjjeʹmmen 24 % sääʹmvuuʹd lââʹzz da tuõjju härjjnem mieʹldd meäʹrtõõvvi lõõʹzzid.
Ooccmõš
Ooccâmlomaakk, di jiõččtäättlaž jiijjad maʹlle ǩeeʹrjtum ooccâmǩeeʹrj di vueiʹtlvaž tuâjjpäiʹǩǩloǥstõõǥǥ da jeeʹres meâlddõõzzid âlgg tooiʹmted Sääʹmteeʹǧǧ piisarkådda 22.12.2025 räjja mõõneeʹst tän liâdglaž ooccâmlomaakk pääiʹǩ (ävvan ođđ ikkna): Ooccâmlomakk
Lââʹssteâđ tuâjast ouʹdde vaal-luʹvddkååʹdd piisar Maria Valkeapää teʹlf. 040 530 9513, vaal-luʹvddkååʹdd valmštõõllipiisar Sinikka Mäkinen, teʹlf. 044 705 7160
Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.
Aanrest 8.12.2025
Sääʹmteʹǧǧ
