Sääʹmteʹǧǧ ååcc äʹššneǩ-kääzzkõõʹsti sääʹmkulttuurkõõskõs Sajoʹsse
Sääʹmteʹǧǧ iʹlmmat ooccâmnalla mieʹrräiggsaž äʹššneǩ-kääzzkõõʹsti tuâj.
Sajoozz äʹššneǩ-kääzzkõõʹsti tuâjaid koʹlle jm. äʹššneǩ-kääzzkõs, Sajoozz vuâsttaväʹlddem da infopääiʹǩ håiddmõš, Sääʹmkulttuurkõõskõõzz vuäʹpstemkõrvvi, såbbri da noorõõttmõõžži jäʹrjstõõllmõʹšše kuulli tuâj di taarbšeen restraantâst vieʹǩǩtummuš da taarb mieʹldd sõõʹji pottsenâânnmõš. Äʹššneǩ-kääzzkõʹstti reâugg kääzzkõsjuâkkaz vueʹssen sääʹmkulttuurkõõskõs Sajoozzâst. Tuâjjääiʹj liâ väʹlddääʹššest sääʹmkulttuurkõõskõs Sajoozz äävaiåårrampoodd, arggpeeiʹvin čiâss 9–17, måttmest še jeäʹǩǩääi da neäʹttel-looppin Sajoozzâst noorõõttmõõžži da šõddmõõžži diõtt.
Kääzzkõskõskkvuõđ teâđ
Mieʹrräiggsaž tuâjj älgg ođđeeʹjjmannust 2026 poodd suåppmõõžž mieʹldd da peštt 31.12.2026 räjja.
Tuâj teâuddmõõžžâst jääʹǩǩtet neellj määnpââʹj ǩiččlõddâmääiʹj.
Tuâj tueʹjjeet Sääʹmkulttuurkõõskõs Sajoozzâst, Aanrest. Tuâj ij leäkku vueiʹtlvaž tueʹjjeed ougglõstuâjjan.
Ooʒʒjest vueʹrddep
Šiõttõsvuâđlaž ââʹntemkaiʹbbjõssân lij veeʹrj kaiʹbbjem škooultõs da sääʹmǩiõl täidd (asetõs 1727/95). Tuâj oʹnnsteeʹjes håiddmõõžž ooudâsvieʹǩǩat äʹššneǩ-kääzzkõstuõjju härjjnummuš, šiõǥǥ sääʹmkulttuur tobddmõš, soojjlõs eŋgglõs ǩiõl täidd, jiõččaltteeʹjesvuõtt, soojjlõs šiõttlõõvvmõš di šiõǥǥ vuârrvaaiktemtääid.
Päʹlǩǩ
Päʹlǩǩ meäʹrtââvv Sääʹmteeʹǧǧ päʹlǩǩriâžldõõǥǥ väʹǯǯelvuõtt-tääʹzz VI/III meâldlânji (vuâđđpäʹlǩǩ 2127,68 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tueʹjjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccmõšlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 8.1.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna). Ooccmõšlomakk
Lââʹssteâđaid tuâjast oudd Markknâʹsttemjååʹđteeʹjj Oula Guttorm, oula.guttorm@samediggi.fi.
Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi da Sääʹmkulttuurkõõskõs Sajoozz tåimmjummša addrõõzzâst www.sajos.fi
Aanrest 22.12.2026
Sääʹmteʹǧǧ
