Sääʹmteʹǧǧ ååcc mättmateriaalpiisar

Mättmateriaalpiisar tuâj lie meäʹrtõllum Sääʹmteeʹǧǧ tuâjjriâššmõõžž 40 §:st. Mättmateriaalpiisar jm. valmštââll sääʹmǩiõllsaž mättmateriaal puuʹtʼtummuž kuõskki aaʹššid, vaaldaš mättmateriaalmieʹrrtieʹǧǧ âânnmõõžž, toiʹmmai valmštõõllʼjen mättmateriaalaaʹššin jeeʹres tåimmorgaanin, seuʹrrai mättmateriaalǩeeʹddest šõddi õuddnummuž da mättʼtõsplaan di kooll materiaali valmštummšest uʹčteeʹlid.

Mättmateriaalprojeeʹktid kuulli tuâjain mättmateriaalpiisar toiʹmmai nâânn õhttsažtuâjast mättmateriaalplaanʹjivuiʹm.

Kääzzkõskõskkvuõđ teâđ

Tuâjj älgg suåppmõõžž mieʹldd sõõrǥmõõzz mieʹldd da tõt lij viõǥǥâst meäʹrteʹmes ääiʹj.

Veeʹrj tieuʹddmest ââʹnet kuuđ määnpââʹj ǩiččlõddâmääiʹj.

Mättmateriaalkonttâr tåimmpäiʹǩǩ lij Sääʹmkulttuurkõõskõs Sajoozzâst, Aanrest, leša tuâj vuäitt tuejjeed vuäzzas ougglõstuâjjan.

Ooccjest vueʹrddep

Šiõttõsvuâđlaž ââʹntem-mäinnan lij veeʹrj õudldem škooultõs da lââʹssen kaiʹbbjet sääʹmǩiõl tääid (asetõs 1727/95). Veeʹrj oʹnnsteeʹjjes håiddmõš kaiʹbbai šiõttlõs õllškooultuʹtǩǩõõzz, šiõǥǥ mättʼtõs- da mättmateriaalaaʹšši da vaaldšmallaš tuâjai tobddmõõžž, raavâs silttummuž riikkveäʹǩǩvuõđ vaaldšummšest, tääid vaaldšed obbvuõđid plaanmõõžžâst operatiivlaž čõõđ viikkma, šiõǥǥ õhttsažtuâjj- da organisâʹsttemtääidaid di čiõlgg ǩeerjlaž saaǥǥtemtääid.

Paʹlǩǩummuš

Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz IV/II mieʹldd (vuâđđpäʹlǩǩ tiuddtuâjjaaiʹjin 2998,97 euʹrred/mp). Vuâđđpääʹlǩ õõl määuʹset säʹmmlai dommvuuʹdest tueʹjjeʹmmen 24 % sääʹmvuuʹd lââʹzz da tuõjju harjjnem mieʹldd meäʹrtõõvvi lõõʹzzid.

Ooccmõš

Ooccâmlomaakk, di jiõččtäättlaž jiijjad maall mieʹldd ǩeeʹrjtum ooccâmǩeeʹrj di vueiʹtlvaž tuâjjpäiʹǩǩloǥstõõǥǥ da jeeʹres meâlddõõzzid âlgg tooiʹmted Sääʹmteeʹǧǧ piisarkådda 23.11.2025 räjja mõõneeʹst tän liâdglaž ooccâmlomaakk pääiʹǩ (ävvan ođđ ikkna): Ooccâmlomakk

Lââʹssteâđaid tuâjast oudd vaaldâšmjååʹđteei Pia Ruotsala-Kangasniemi, pia.ruotsala@samediggi.fi, teʹlf. 040 726 2688

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi.

Aanrest 23.10.2025
Sääʹmteʹǧǧ