Sääʹmteʹǧǧ ååcc pirrõspiisar
Sääʹmteʹǧǧ iʹlmmat ooccâmnalla pirrõspiisar veeʹrj.
Sääʹmteeʹǧǧ pirrõspiisar tuâj liâ looǥǥtõllum Sääʹmteeʹǧǧ tuâjjriâššmõõžžâst pääiʹǩest 26 c §. Pirrõspiisar vaʹsttad jm. tåimmsuõʹrjes beäʹlnn kuulli sääʹm dommvuuʹd pirrõõzz da mäddâânnmõõžž kuõskki di vaaiktõõzzi beäʹlest tok vuällai aaʹšši valmštõõllmõõžžâst, säʹmmlaid kuõskki meeraikõskksaž suåppmõõžži tiuʹddepiijjmõõžž valmštõõllmõõžžâst di tåimm jieʹllemvueʹǩǩ- da vuõiggâdvuõttluʹvddkååʹdd čiõlǥteeʹjen.
Kääzzkõskõskkvuõđ teâđ
Põõššinallšem tuâjj älgg mââimõõzzâst 1.9.2026 leʹbe suåppmõõžž mieʹldd.
Veeʹrj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.
Pirrõspiisar tuâjj sâjjdâtt Sääʹmteeʹǧǧest takai konttra. Sääʹmteeʹǧǧ tåimmpäiʹǩǩ lij Sääʹmkulttuurkõõskõs Sajoozzâst Aanrest. Tuâj lij vueiʹtlvaž tuejjeed vuäzzas ougglõstuâjjan.
Ooʒʒjest vueʹrddep
Šiõttõsvuâđlaž ââʹntemkaiʹbbjõssân lij tuâj õõlǥtem škooultõs da lââʹssen kaiʹbbjet sääʹmǩiõl tääid (asetõs 1727/95). Tuâj oʹnnsteeʹjes håiddmõš õõlǥat veiddsõs sääʹmkulttuur tobddmõõžž, pueʹrr sääʹm äʹrbbvuõđlaž teâđ da pirrõsaaʹšši vaaldšummuž, ǩiõččlâsttmõõžž vaaldšemvuõđlain tuâjain di pueʹrr saǥstõõllâm- da õhttsažtuâjjtääidaid. Lââʹssen vueʹrddep samai pueʹr ǩeerjlaž õlmmummuž, jiõččnaž tuâjjnääʹl di pueʹrr organisâʹsttem- da teäddseännamtääidaid. Tuâj oʹnnsteeʹjes håiddmõõžž ooudâsvieʹǩǩat suåppi õllškooultuʹtǩǩõs.
Päʹlǩǩvuõtt
Paʹlǩǩvuõtt meäʹrtââvv Sääʹmteeʹǧǧ paʹlǩǩvuõttriâžldõõǥǥ väʹǯǯelvuõtt-tääʹzz IV/II mieʹldd, vuâđđpäʹlǩǩ 2998,97 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiõččtäättlaž, jiijjâz maʹlle ǩeeʹrjtum ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz (ǩeerjlaž tuõđštõõzz ǩiõlltääidast da tuʹtǩǩõõzzin) âʹlǧǧe tååimted Sääʹmteeʹǧǧ piisarkådda 30.4.2026 mõõneeʹst tän liâđǥlaž ooccâmlomaakk pääiʹǩ (ävvan ođđ ikkna). Ooccâmlomakk
Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. 010 833 106.
Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi.
Aanrest 1.4.2026
Sääʹmteʹǧǧ
