Sääʹmteʹǧǧ ååcc vaaldâšmpiisar veeʹrjsâjjsa
Sâjjsažvuõtt äälǥči suåppmõõžž mieʹldd vueiʹtlva sõrgg da peštt ǩieʹssmannu loopp räjja.
Vaaldašmpiisar tuâj liâ meäʹrtõllum Sääʹmteeʹǧǧ tuâjjriâššmõõžž 28 §:st.
Vaaldašmpiisar tuâjjan lij odm. håiddad takai konttâr takainallšem koontâr- da vaaldašmtuâjaid, di piisarkååʹdd teʹlfonkõõskõõzz da puättam pååʹšt. Tuâj tuejjeet väʹlddääʹššest Sääʹmkulttuurkõõskõs Sajoozzâst Aanrest. Tuâjast lij vuäzzas ougglõstuejjeemvueiʹtlvažvuõtt.
Šiõttõsvuâđliʹžžen ââʹntemõõlǥtõssân lij tuâj õõudldem škooultõs da lââʹssen õõlǥtet sääʹmǩiõl tääid (sääʹmteeʹǧǧest uvddum asetõs 1727/1995). Tuâj oʹnnsteeʹjes håiddmõõžž ooudâsvieʹǩǩat määŋgpeällsaž ǩiõččlâsttmõš koontârtuâjain di vaaldašmvuõđlai tuâjai tobddmõš. Uʹvddep äärv pâstlvažvuõđ jiõččniʹžže da tääʹrǩes tuâj tuejjummša di pueʹrr õhttsažtuâjj- da vuârrvaaiktemtääidaid.
Päʹlǩǩ meäʹrtââvv Sääʹmteeʹǧǧ päʹlǩǩriâžldõõǥǥ väʹǯǯelvuõtt-tääʹzz VI/I mieʹldd (vuâđđpäʹlǩǩ lââʹzzitaa 2203,65 euʹrred / mp). Vuâđđpääʹlǩ lââʹssen määuʹset tuâjjǩiõččlâsttmõõžž mieʹldd meäʹrtõõvi ǩiõččlâʹsttemlââʹzz di 24 % sääʹmvuuʹd lââʹss.
Ooccâmlomakk, jiijjâs maall meâldlaž ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 15.4.2025 mõõneeʹst tän ooccâmlomaakk pääiʹǩ (ävvan ođđ ikkna).
Lââʹssteâđaid oudd vaaldâšmjååʹđteeʹjj Pia Ruotsala-Kangasniemi teʹl. 010 839 3106.
Sääʹmteeʹǧǧ tåimmʼmõʹšše vuäitt tobdstõõttâd neʹttaddrõõzzâst www.samediggi.fi.
Aanrest 1.4.2025
Sääʹmteʹǧǧ
