Kõõjjõs säʹmmlaid kuõskki tuʹtǩǩummuž eettlaž vuäʹppõõzzin
Anna Charlotta Kihlström lij näggtõsǩeʹrjjtuʹtǩǩeei Tâʹvv-Dakota universiteeʹttest da tuejjad näggtõsǩeʹrjjtuʹtǩǩummuž tõʹst, mäʹhtt sosiaal- da tiõrvâsvuõttsueʹrj tuʹtǩǩummšest Lääʹddjânnmest vueiʹtet tuejjeed sääʹmkulttuur, -vuõiggâdvuõđid da -taarbid ciistâst õõʹnni. Tuu vasttõõzz vieʹǩǩte ohjjeed, mäʹhtt pueʹtti tuʹtǩǩummšid tuejjeed alggmeerast vueʹljeeʹl.
Snimldõk: Ville Fofonoff
Tuâjj õhttan veiddsab taʹrbbe da täävtõʹsse ravveed säʹmmlai jiõččmieʹrreemvuõiggâdvuõđ tuʹtǩǩummšin da puʹrǧǧeed väʹlddkulttuurâst vuõʹlǧǧi tåimmamnaaʹlid tuʹtǩǩummšest di šõddeed ođđ toiʹmmjem-maallid. Tuʹtǩǩummšest lij Sääʹmteeʹǧǧ miõttâm õutstõõzzlaž priimmʼmõš, da tõn ouddnummuž lie ärvvtõõllmen še Sääʹmteeʹǧǧ sosiaal- da tiõrvâsvuõttpiisar Riitta Lehtola-Kosonen di Niila Rahko Tiõrvâsvuõđ da pueʹrrvââjjamstroiʹttlest (THL).
Kõõjjõʹsse vuäitt vaʹstteed 8.2.2026- 7.3.2026 äiʹǧǧkõõskâst lääʹddǩiõʹlle da pukin koolm sääʹmǩiõʹlle.
Lââʹssteâđaid ouʹdde
Sosiaal- da tiõrvâsvuõttpiisar Riitta Lehtola-Kosonen, riitta.lehtola-kosonen(a)samediggi.fi, teʹlf. +358 44 777 4820
Anna Kihlström, anna.c.kihlstrom@und.edu, +358 44 988 7031
