Puäʹđ mieʹldd sääʹmǩiõllsaž mättmateriaaltuõjju!
Sääʹmteʹǧǧ ååcc aanar-, nuõrtt- da tâʹvvsääʹmǩiõllsai mättmateriaali puuʹttummša raajjʼjid jeeʹresnallšem tuâjaid.
Sääʹmteʹǧǧ puuʹtat juõʹǩǩ eeʹjj mättʼtõs- da kulttuurministeriast- da kulttuurministeriast vuäǯǯamnalla åårrai mieʹrrtieʹǧǧin sääʹmǩiõllsa da sääʹmǩiõli mättʼtõʹsse jurddum mättmateriaal. Mättmateriaaltuâjast vaʹsttad Sääʹmteeʹǧǧ škooultõs- da mättmateriaalkoontâr. Materiaal puuʹttummša taarbšet sääʹmǩiõl täiddsaid raajjʼjid (freelancer), kook vueiʹtte tuejjeed pieʹǩǩ leʹbe tuâjjobbvuõđ materiaalâst valmmša.
Taarbšep raajjʼjid jm.
- lääʹddǩiõllsa mättmateriaali jåårǥlâttmõʹšše sääʹmǩiõlid,
- sääʹmǩiõllsa mättmateriaal ǩiõllhuõllu da vuõigglookkmõʹšše,
- mättmateriaali kuâsttjõstuõjju (graaflaž plaanummuš),
- mättmateriaali kaartʼtõstuõjju,
- digitaalʼlaž mättmateriaali raajjmõʹšš
Raajjʼjivuiʹm tuejjeet suåppmõš spraavâmnalla åårrai tuâjast. Päʹlǩǩ tuejjuum tuâjast meäʹrtââvv Sääʹmteeʹǧǧ mättmateriaaltuâj tarifftaullõõǥǥ meâldlânji da pääʹlǩ vuäitt juʹna laaskted (p-tiõtt) leʹbe tõt vueiʹtet mäʹhssed ouddtuõʹllʼjemvuâlaž puåttjen.
Mättmateriaalprojeeʹkt tuâj sueʹppe ouddmiârkkân mättʼtõõđjid leʹbe čårrtuâjjan jeeʹresåʹrnn tuâjast åårrjid.
Ooccmõš mättmateriaaltuâj raajjʼjen âlgg tååimted tän lomaakk pääiʹǩ.
Väʹlddep ooccjid õhttvuõđ vuõiʹǧǧest tõn mieʹldd ǥu suåppi tuâjj leʹčči teâđast. Ooccâmlomakk lij äävai 15.4.2026 räjja.
Lââʹssteâđaid ouʹdde vs. mättmateriaalpiisar Katja Semenoff, katja.semenoff(at)samediggi.fi da škooultõspiisar Bigga-Helena Magga, bigga-helena.magga(at)samediggi.fi.
Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi da mättmateriaali neʹttkauʹppe addrõõzzâst www.samediggi.fi/oppimateriaalikauppa/
Aanrest 12.3.2026
Sääʹmteʹǧǧ
