Saaǥǥjååʹđteeʹj sâjjsaž Juuso eeʹttkâstt Sääʹmteeʹǧǧ ÕM alggmeerai põõšši fooruumâst

ÕM alggmeerai põõšši fooruum 25. išttmõš riâžžât 20.2.-1.5.2026 ÕM väʹlddpääiʹǩest New Yorkâst da šõddmõõžžâst taʹrǩstõõlât alggmeerai tiõrvâsvuõđ še konfliiʹkti ǩiõččâmvueʹjjest. Foorum nåårr õʹhtte alggmeerai eeʹttǩeeʹjid, riikk, ÕM-tåimmjid da jeeʹres kuõiʹmid. Sääʹmteeʹǧǧ Nuõrisuåvtõs lij še mieʹldd põõšši fooruumâst. Nuõrisuåvtõõzz eeʹttkâstt väärrsaaǥǥjååʹđteeʹjj Ellen Saijets di Nuõrisuåvtõõzz vuäzzlaž Niila-Juhán Valkeapää.

Fooruumâst jeäʹlet saǥstõõllmõõžžid fooruum kuuđâst tuâjjânouddmõõžž kuulli vueʹssvuuʹdest: tällõõzzlaž da sosiaalʼlaž ouddnummuš, kulttuur, pirrõs, škooultõs, tiõrvâsvuõtt da ooumažvuõiggâdvuõđ. Saǥstõõllmõõžžin puätt ouʹdde še ÕM alggmeerai vuõiggâdvuõđi čõõđtõs di ÕM ǩeâllʼjeei ouddnummuš programm Agenda 2030. Lââʹssen jäʹrjstet še määŋgaid čårršõddmõõžžid, såbbrid da vuârrsâǥstõõllmõõžžid alggmeerai, ÕM organisaatioi da jeeʹres õhttsažtuâjjkuõiʹmivuiʹm.

Išttmest teäddeet jeäʹrben

• Alggmeerai tiõrvâsvuõʹtte tillʼlõõvvi vaarid jeäʹrben konfliʹkttvuõʹjji poodd.
• Kulttuurmeâldlaž da staanlaž tiõrvâsvuõttkääzzkõõzzi taarb.
• ÕM alggmeerai čõõđtõõzz da ǩeâllʼjeei ouddnummuž täävtõõzzi tiuʹddepiijjmõš tiõrvâsvuõđ ǩiõččâmvueʹjjest.

Tuomas Aslak Juuso vaʹlljum raʹvvjeeʹjen ÕM alggmeerkõõččmõõžži kuõskki kuullmõõžžid

Sääʹmteeʹǧǧ saaǥǥjååʹđteeʹj sâjjsaž Tuomas Aslak Juuso lij nõõmtum raʹvvjeeʹjen tuärjjeed ÕM õõlmâs-såbbar saaǥǥjååʹđteeʹj nõõmtem koordinaattorid alggmeerai vuässõõttmõõžž kuõskki kuullmõõžžin. Nõõmtõs õhttan vueiʹtlvaž lââʹsstååimaid, koin raaveet alggmeerai eeʹttǩeeʹjid da instituutioi vuässõõttmõõžž ÕM såbbrid siʹjjid kuõskki aaʹššin.

Lââʹssteâđ:

Tuomas Aslak Juuso
Saaǥǥjååʹđteeʹj sâjjsaž
040 687 3394
tuomas.juuso@samediggi.fi

Inka Saara Arttijeff
meeraikõskksaž aaʹšši piisar
010 839 3198 / 050 574 7629
inka-saara.arttijeff@samediggi.fi