Sääʹmteeʹǧǧ soti-sektoor Heʹlssen kuõʹssjummuš čiŋlmõõvi säʹmmlai soti-kääzzkõõzzi ooudâs viikkmõʹšše
Sääʹmteeʹǧǧ sosiaal- da tiõrvâsvuõttsektor kuõʹssji Heʹlssnest 12.-13.3. kõskksaž õhttsažtuâjjkuõiʹmivuiʹm. Sääʹmteeʹǧǧ eeʹttǩeeʹj vueiʹnnlõʹtte Mela, THL Biobaaŋk da Findata di sosiaal- da tiõrvâsvuõttministeria eeʹttǩeeʹjivuiʹm.
Snimldõõǥǥâst Riitta Lehtola-Kosonen, Tuomas Aslak Juuso, Anni Koivisto di Mela Pirjo Saari da Sonja Lilius.
Sääʹmteʹǧǧ vuõiʹni Mela juâǥǥasjååʹđteeʹj Pirjo Saari da lääʹǩǩaaʹššijååʹđteeʹj Sonja Lilius neljdpeeiʹv 12.3. Vueiʹnnlõõttmõõžžâst saǥstõʹlleš jeäʹrben Välitä poronhoitajasta – tåimmjummuž ooudâsviikkmõõžžâst da čõõđviikkmõõžžâst sääʹmpaalǥâskooʹddi da sääʹmpuäʒʒhoiʹddjeeʹji ǩiõččâmvueʹjjest. Saǥstõõllmõõžžin teäʹddji tarbb viikkâd ooudâs kääzzkõõzzid da tåimmjummuž õõutsââʹjest sääʹmtåimmjivuiʹm, lokku vääʹldeeʹl jeäʹrben kääzzkõõzzi kulttuurmeâldlažvuõtt di sääʹmǩiõllsažvuõtt.
Sääʹmteeʹǧǧest vueiʹnnlõõttmõʹšše vuässõʹtte saaǥǥjååʹđteeʹj sâjjsaž Tuomas Aslak Juuso, sosiaal- da tiõrvâsvuõttpiisar Riitta Lehtola-Kosonen di vs. sosiaal- da tiõrvâsvuõttpiisar Anni Koivisto.
Sääʹmteʹǧǧ tobdstõõđi THL Biobaaŋk da Findata tåimmjummša
Sääʹmteeʹǧǧ soti-piisar Riitta Lehtola-Kosonen da Anni Koivisto tobdstõʹtte Tiõrvâsvuõđ- da pueʹrrvââjjam stroiʹttel Tilkamäki väʹlddkonttrest Biobaaŋk da Findata tåimmjummša neljdpeeiʹv 12.3. THL Biobaŋkk lij väʹlddkååddlaž biobaŋkk, koozz noorât da koʹst seeiltet ärvvsaž tuʹtǩǩeemčuäjtõõzzid veeʹzz Lääʹddjânnam vuuʹdest. Findata lij sosiaal- da tiõrvâsvuõttsueʹrj teâttlååʹppveʹrǧǧneǩ. Kuhttui tåimmjivuiʹm kõõččmõõžžâst leäi vuõssmõs õhttsažtuâjjvueiʹnnlõõttmõš.
Vueiʹnnlõõttmõõžžâst jiõʹlleš čõõđ Biobaaŋk di Findata tåimmjummuž di vueiʹtlvažvuõđid puõʹtti õhttsažtuõjju. Findatast lij vääžnai rool sosiaal- da tiõrvâsvuõtt-teâđai nuuʹbbsâjjsaž âânnmõõžžâst, koʹst teâđaid ââʹnet ouddmiârkkân tuʹtǩǩummša, statistikâsttmõʹšše da ooudâsviikkmõʹšše väʹlddveärlaž håidd- leʹbe äʹššeemvueʹjj åålǥbeäʹlnn.
Snimldõõǥǥâst Riitta Lehtola-Kosonen, Tuomas Aslak Juuso, Anni Koivisto di sosiaal- ja tiõrvâsvuõttministeriast Veli-Mikko Niemi da Anna Cantell-Forsbom.
Vueiʹnnlõõttmõš sosiaal- da tiõrvâsvuõttministeria eeʹttǩeeʹjivuiʹm
Sääʹmteʹǧǧ vuõiʹni lââʹssen sosiaal- da tiõrvâsvuõttministeria kansliajååʹđteeʹj Veli-Mikko Niemi di sosiaal- da tiõrvâsvuõtthuâl äʹššneeʹǩǩ da kääzzkõõzz -juâkkaz jååʹđteeʹj Anna Cantell-Forsbom 12.3. Vueiʹnnlõttmõõžžâst saǥstõʹlleš säʹmmlai sosiaal- da tiõrvâsvuõttkääzzkõõzzi tuõrvvmõʹšše da ooudâsviikkmõʹšše čuäʹjtum riikkveäʹǩǩtieʹǧǧ vueʹjjest di sääʹm psykososiaalʼlaž tueʹrj juâǥǥas Uvjj – Uvjâ – Uvja juätkkteäggtõstaarbâst da tåimmjummuž põõššjen raajjmõõžžâst.
Sääʹmteeʹǧǧest vueiʹnnlõõttmõʹšše vuässõʹtte saaǥǥjååʹđteeʹj sâjjsaž Tuomas Aslak Juuso, vs. sosiaal-da tiõrvâsvuõttpiisar Anni Koivisto di sosiaal- da tiõrvâsvuõttpiisar Riitta Lehtola-Kosonen.
Sääʹmteʹǧǧ da Tiõrvâsvuõđ da pueʹrrvââjjam strooiʹtel (THL) såbbrõʹstte Heʹlssnest 13.3.2026 juõʹǩǩekksaž õhttsažtuâjjsuåppmõš-saǥstõõllmõõžži aaʹšši pirr. Såbbrest tuʹmmješ eeʹjj 2026 õhttsažtuâj teäddsõõʹjin.
Lââʹssteâđaid
Tuomas Aslak Juuso
Saaǥǥjååʹđteeʹj sâjjsaž
040 687 3394
tuomas.juuso@samediggi.fi
Riitta Lehtola-Kosonen
Sosiaal- da tiõrvâsvuõttpiisar
044 777 4820
riitta.lehtola-kosonen@samediggi.fi
Anni Koivisto
vs. sosiaal- da tiõrvâsvuõttpiisar
044 775 6560
anni.koivisto@samediggi.fi
