Sääʹmnuõri konfereʹnss Aanrest 14.–15.8.2025
Sääʹmnuõri konfereeʹns jäʹrjstet Aanrest da tõn väʹlddjäʹrjsteeʹjen tåimm Sääʹmteeʹǧǧ nuõrisuåvtõs. Konfereeʹns teeʹmmen lij äʹrbbvuõđlaž teâtt.
Nuõrisuåvtõs vaʹsttad nuõrisuåvtõõzz õhttvuõđâst jiõččânji tåimmai pååđ sääʹmnuõri konfereeʹns jäʹrjstummš. Sääʹmnuõri konferenss vuäitt uʹvdded jiijjâs nõõmin õõlmâsceälkkmõõžžid, čuäjtõõzzid da aalǥtõõzzid, kook õhttne sääʹmnuõri jieʹllemåårrmõʹšše da pueʹrrjieʹllma.
Sääʹmnuõri konfereeʹns prograammâst lij saakkvuâr da tuâjjpõõrt. Saakkvuâraid âʹnne ouddmiârkkân ǩiõttǩeeʹrjteei, oʹhjjeei da ǩeʹrjjneǩ Suvi West, Sääʹmǩiõtt-tuâjjneǩ, čeäppõõzzi maister Anniina Turunen da Musikkpedagoog, juõiggi Laura Tapiola. Še Lääʹddjânnam Liikkeem-, sportt- da nuõriminister Mika Poutala lij vuõlttääm videotiõrvvʼvuõtt sääʹmnuõrid.
Tuâjjpõõrtid âʹnn SápmiDem-projeʹktt, Rievdan – Muutos -haʹŋǩǩõs, Indigenous Knowledge and Arctic Forests –haʹŋǩǩõõzz (Mieʹcci vaaldâšm da alggmeervuõiggâdvuõđ), Sámi Duodji da Sääʹm-museo Siida.
Äʹrbbvuõđlaž teâtt kuõskat alggmeeraid samai jiânnai da määŋgtäässʼseld – tõt iʹlla pâi norldõk faktaid leʹbe tääidaid, pâi kõskksaž kuʹsǩǩen mij kulttuur, identiteeʹttʼtem da maaiʹlmǩiõččmõõžžam.
Konfereʹnss lij määusteʹmes da ääv pukid sääʹmnuõrid. Iʹlmmtõõttmõš konferenssa lij äävai 8.8.2025 räjja. Iʹlmmtõõttmõš (ävvan ođđ ikkna).
Sääʹmnuõri konfereeʹnss prograamm, kååčč da iʹlmmtõõttmõšliŋkk kaaunak nuõrisuåvtõõzz neʹttseeidain. www.nuor.fi
Lââʹssteâđ:
Nuõrisuåvtõõzz projeʹktt-tuâjjlaž
Lifu Torikka
Teʹl. 044 902 4833
lifu.torikka@samediggi.fi
Nuõrisuåvtõõzz konfereeʹns tuâjj-joouk saaǥǥjååʹđteeʹjj
Niila-Juhán Valkeapää
niila-juhan.valkeapaa@samediggi.fi
