Kulttuurluʹvddkåʹdd juõʹjji eeʹjj 2026 kulttuurveäʹǩǩtieʹǧǧid
Sääʹmteeʹǧǧ kulttuurluʹvddkåʹdd jueʹjji såbbreʹstes 1/2026 mättʼtõs- da kulttuurministeria eeʹjj poʹdde 2026 miõttâm riikkveäʹǩǩtieʹǧǧ sääʹmǩiõllsa kulttuur ooudâsviikkmõʹšše. Veäʹǩǩtieʹǧǧ jueʹjjet säʹmmlaid čeäppõõzz da kulttuur raajjʼjid, sääʹmorganisaatioi tåimmjummša da Tâʹvvjânnmallaš sääʹmorganisaatioi tueʹrjjeem diõtt di Uccjooǥǥ Sääʹmceerkavpõõrti âʹlnn âânnmõʹšše.
Snimldõk: Johanna Alatorvinen
Riikk eeʹjj 2026 tällõsarvvlõõzzâst leät miõttum 222 000 euʹrred (ns. sääʹm kulttuurmieʹrrteäʹǧǧ), ââʹnnemnalla sääʹmčeäppõõzz da sääʹmkulttuur ooudâsviikkmõʹšše eeʹjjest 2026–2027. Mieʹrrteäʹǧǧ lij čuäʹjtum vuõiʹǧǧest Sääʹmteeʹǧǧ âânnmõʹšše. Sääʹmteeʹǧǧ tuâjjriâššmõõžž 4 § 8 pääiʹǩest jurddum kulttuurluʹvddkåʹdd tuʹmmai riikkveäʹǩǩteäʹǧǧveʹrǧǧneʹǩǩen sääʹmkulttuurmieʹrrtieʹǧǧ juâkkmõõžžâst.
Mieʹrräigga mõõneeʹst Sääʹmteeʹǧǧ konttra puõʹtte 82 ooccâmââʹnteei ooccmõõžž, koin 13 ooccmõõžž leʹjje Tâʹvvjânnmi sääʹmõutstõõzzin. Veäʹǩǩtieʹǧǧid oʹcceš õhttsiʹžže 449 749 eeuʹr ooudâst.
Sääʹmteʹǧǧ tueʹjjad tuʹmmstõõǥǥid pâʹsslâšttam-mannu poodd da peejj mäʹhssemnalla mââimõõzzâst njuhččmannu 15. peivva mõõneeʹst. Sääʹmteeʹǧǧest uvddum lääʹjj meâldlânji (27.6.2025/414) Sääʹmteʹǧǧ tuʹmmai lääʹjj 8 § nuäjja säʹmmlai õhttsaž âânnmõʹšše čuäʹjtum väärai juâǥǥast, de nääiʹt teänab jeät tueʹjjed suåppmõõžžid veäʹǩǩtieʹǧǧ vuäǯǯjivuiʹm.
Lââʹssteâđ:
Riitta Orti-Berg
Kulttuurpiisar
040 840 0383 / 010 839 3103
riitta.orti-berg@samediggi.fi
