Nuõrisuåvtõõzz vuäzzlažkåʹdd vaʹlljum toiʹmmjempâjja 2026-2027
Sääʹmteeʹǧǧ sååbbar lij vaʹlljam nuõrisuåvtõõzz vuäzzlažkååʹdd toiʹmmjempâjja 2026-2027. Sääʹmteeʹǧǧ sååbbar vaʹlljad nuõrisuåvtõʹsse kueiʹt eeǥǥas vuârast čiččâm vuäzzla di juâkkseʹžže jiõčč-i väärrvuäzzla.
Nuõrisuåvtõõzz väʹlddveärlaž vuäzzliʹžžen vaʹlljeeš Sárá-Márjá Keskitalo, Ellen Saijets, Rosa-Máren Juuso, Ainomaija Mäenpää, Vesa Orassalo, Niila-Juhán Valkeapää, Mihku Näkkäläjärvi
Väärrvuäzzliʹžžen vaʹlljeeš Tiia-Káren Alakorva, Áron Korpi, Lars-Tuomas Valkeapää, Hilda Musta, Lilja Ljetoff, Elle Raudasoja, Hans Ravna-Pieski
Nuõrisuåvtõs vaʹllji kõõsktes väärrsaaǥǥjååʹđteeʹjen Sárá-Márjá Keskitalo da väärrsaaǥǥjååʹđteeʹjen Ellen Saijets. Nuõrisuåvtõs vaʹllai äʹšštobddivuäzzlaid puõʹtti såbbrest vueʹssmannust.
Sárá-Márjá Keskitalo, Ellen Saijets
Nuõrisuåvtõõzz tuâjaid kooll:
- Smeʹllkâʹtted sääʹmnuõrid vuässõõttâd õhttsažkååddlaž tåimmjummša,
- oouʹdeed sääʹmnuõri meersaž da meeraikõskksaž õhttsažtuâj,
- vueʹǩǩâʹtted õhttsažtuâj nuõri aaʹššid håiddai meersaž da meeraikõskksaž organisaatioi da tåimmorgaanivuiʹm.
- vaʹstteed nuõrisuåvtõõzz õhttvuõđâst jiõččânji tåimmai pååđ Sääʹmnuõri konfereeʹns jäʹrjstummšest kueiʹt eeʹjj kõõskin.
Nuõrisuåvtõõzz tåimmjummuž teäggat mättʼtõs- da kulttuurministeria. Toiʹmmjempââʹjest 2026-2027 nuõrisuåvtõs tueʹjjad tuâj jeäʹrben sääʹmǩiõllsa da kulttuurmeâldla nuõrituâj oouʹdeem vääras da ooudâs viikkmõššân.
Vuäzzlai vaʹlljummuš
Sääʹmteeʹǧǧ sååbbar vaʹlljad nuõrisuåvtõʹsse kueiʹt eeǥǥas vuârast čiččâm vuäzzla di juâkkseʹžže jiõčč-i väärrvuäzzla. Nuõrisuåvtõs vaʹlljad kõõskstes suåvtõʹsse kueiʹt eeǥǥas vuârast saaǥǥjååʹđteeʹj da väärrsaaǥǥjååʹđteeʹj. Suåvtõõzz vuäzzlain feʹrttai vaʹlljeempoodd leeʹd 18–28 – âkksaž. Lââʹssen nuõrisuåvtõs vaʹllai suåvtõʹsse kueiʹt eeǥǥas vuârstes jäänmõssân vitt põõssi äʹšštobddivuäzzla, kook âʹlǧǧe leeʹd vaʹlljeempoodd 15-17-âkksa. Nuõrisuåvtõõzz saaǥǥjååʹđteeʹj da väärrsaaǥǥjååʹđteeʹj ij taarbâž leeʹd Sääʹmteeʹǧǧ vuäzzlaž.
Nuorisuåvtõõzzâst vueiʹtte leeʹd jiijjâz tåimmjummšes vääras õhtt leʹbe mäŋgg vueʹlljuâkkaz. Nuõrisuåvtõs šiõttad mieʹrrääiǥas vueʹlljuâkksid da nõõmat juâkksa vuäzzliʹžžen 15–28-ekksaid sääʹmnuõrid.
Suåvtõõzz di suåvtõõzz äʹšštobddjin âlgg eeʹttkâʹstted vueiʹtlva puârast Lääʹddjânnam säʹmmlai ǩiõlʼlaž da vooudlaž jooukid.
Lââʹssteâđ:
Saana Aikio
vs. Nuõripiisar
044 494 6200
saana.aikio@samediggi.fi
