Sääʹmteʹǧǧ ååcc mieʹrräiggsa plaaneeʹj takaivaaldšma
Sääʹmteʹǧǧ iʹlmmat ooccâmnalla mieʹrräiggsaž plaaneeʹj tuâj.
Plaaneeʹj tuâjaid koʹlle takaivaaldâšm vieʹǩǩtemvuâla tuâj jm. Sääʹmteeʹǧǧ vuäppõõzzi, vuâkkõõzzi da raʹvvjõõzzi peeiʹvtem- da plaaneemtuâj di ääiʹjõõutnalla ainsmâttmõš da valmštõõllâmtuâjai vieʹǩǩtummuš. Tuâj vuäʹpsteeʹjen da âʹlddouddooumžen tåimm Sääʹmteeʹǧǧ vaaldâšmjååʹđteeʹjj.
Kääzzkõskõskkvuõđ teâđ
Tuâjj älgg suåppmõõžž mieʹldd vueiʹtlva sõrgg. Mieʹrräiggsaž kääzzkõskõskkvuõđ pešttmõš lij kääuʹc määnpââʹj. Vueiʹtlvaž juätkast suåvât jeeʹrab. Veʹrǧǧkõskkvuõđ teâuddmõõžžâst jääʹǩǩtet kooum määnpââʹj ǩiččlõddâmääiʹj.
Plaaneeʹj tuâjj sâjjdâtt Sääʹmteeʹǧǧ takaikonttra. Tuâjjpäiʹǩǩ lij Aanrest, Sääʹmkulttuurkõõskõs Sajoozzâst. Vueʹssʼsaž ougglõstuâjj lij vueiʹtlvaž.
Ooʒʒjest vueʹrddep
Ââʹntem-mäinnan lij tuâj õõlǥtem suåppi škooultõs da sääʹmǩiõlltäidd (asetõs 1727/95). Tuâj oʹnnstam håiddmõõžž ooudâsvieʹǩǩat vaaldšmallaš tuâjai tobddmõš veiddsânji, pueʹrr sääʹmkulttuur tobddmõš di odd jiõččnaž, vasttõõzzlaž tuejjummša di pueʹrr ǩeerjlaž saaǥǥtemtäidd. Ââʹnnep äärvast pueʹrr õhttsažtuâjj- da vuârrvaaiktemtääidaid.
Paʹlǩǩummuš
Plaaneeʹj päʹlǩǩ meäʹrtââvv Sääʹmteeʹǧǧ päʹlǩǩriâžldõõǥǥ väʹǯǯelvuõtt-tääʹzz IV/III mieʹldd, vuâđđpäʹlǩǩ 2931,34 euʹrred/mp. Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiijjâs maall meâldlaž ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 6.3.2026 mõõneeʹst tän liâdǥlaž ooccâmlomaakk pääiʹǩ: Ooccâmlomakk
Lââʹssteâđaid tuâjast oudd Sääʹmteeʹǧǧ vaaldâšmjååʹđteeʹjj Pia Ruotsala-Kangasniemi teʹl. 010 839 3106. Sääʹmteeʹǧǧ tåimmʼmõʹšše vuäitt tobdstõõttâd neʹttaddrõõzzâst www.samediggi.fi.
Aanrest 19.2.2026
Sääʹmteʹǧǧ
