Sääʹmteʹǧǧ ååcc projeʹktt-tuâjjla Ijahis idja -festivaalid
Mieʹrräiggsaž projeʹktt-tuâjjlaž vaʹsttad Ijahis idja -alggmeerai musikkfesttvaali veäʹǩǩpuuʹtʼteeʹj tuâjain. Ijahis idja -festivaal jäʹrjstet 14.‒15.8.2026 Aanrest, Sääʹmkulttuurkõõskõs Sajoozzâst.
Kääzzkõskõskkvuõđ teâđ
Tuâjj älgg 1.6.2026 da peštt 21.8.2026 räjja. Veäʹǩǩpuuʹtʼteeʹjj tåimm aktiivlaž õhttsažtuâjast sääʹm-musikk-kõõskõõzz plaaneeʹjin.
Tuâj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.
Projeʹktt-tuâjjla tåimmpäiʹǩǩ lij sääʹmkulttuurkõõskõs Sajoozzâst, Aanrest vueʹssʼsaž ougglõstuâjj lij vueiʹtlvaž ǩieʹss-sueiʹnnmannu poodd.
Ooʒʒjest vueʹrddep
Ââʹntem-mäinnan lij tuâj õõlǥtem suåppi škooultõs da sääʹmǩiõlltäidd (asetõs 1727/95). Tuâj oʹnsteeʼes håiddmõõžž ooudâsvieʹǩǩat ǩiõččlâsttmõš šõddmõšjäʹrjstummšest, pueʹr õhttsažtuâjj- da vuârrvaaiktemtääid di odd jiõččnaž da tääʹrǩes tuõjju. Pueʹrren ǩiõččât eŋgglõsǩiõl tääid.
Päʹlǩǩvuõtt
Projeʹktt-tuâjja päʹlǩǩvuõtt meäʹrtââvv Lääʹdd Sääʹmteeʹǧǧ päʹlǩǩriâžldõõǥǥ väʹǯǯlõsvuõtt-tääʹzz V/II mieʹldd (vuâđđpäʹlǩǩ 2490,57 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 19.4.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
Lââʹssteâđaid tuâjast oudd sääʹm-musiikk-kõõskõõzz plaaneeʹjj Minna Lehtola teʹl. 044 902 9295 minna.lehtola@samediggi.fi.
Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi da Ijahis idja -alggmeerai musikkšõddmõʹšše addrõõzzâst: www.ijahisidja.fi
Aanrest 23.3.2026
Sääʹmteʹǧǧ
