Iʹlmmtõõttmõš Sääʹmnuõri čeäʹppvuõttpeeiʹvid älgg
Iʹlmmtõõttmõš Sääʹmnuõri čeäʹppvuõttpeivva 6.-7.5.2025 lij äävai 24.3.-15.4.2025. Čeäʹppvuõttpeivva iʹlmmtõõđât Webropol-prograamm pääiʹǩ.

Iʹlmmtõõttmõš Sääʹmnuõri čeäʹppvuõttpeivva 6.-7.5.2025 lij äävai 24.3.-15.4.2025. Čeäʹppvuõttpeivva iʹlmmtõõđât Webropol-prograamm pääiʹǩ. Lââʹssen mââibaarǥ tuâjjpaaʹjid da škoouli joouki iʹlmmtõõttmõõžž tuejjeet jeeʹres lomaakkivuiʹm. Tuâjjpaaʹjid iʹlmmtõõttmõš älgg mâʹŋŋlubust.
Liŋkk iʹlmmtõõttmõʹšše: https://link.webropolsurveys.com/S/719A2807F1634347
Sääʹmnuõri čeäʹppvuõttpeeiʹv 2025 vuâkkõõzz:
Juâkksast teeʹmest liâ kolmm ââʹǩǩrääid: 6-8-âkksa, 9-12-âkksa di 13-20-âkksa. Čeäʹppvuõttpeiʹvv lij ääv teeʹmid vuässõõđjid vuâđđškooul da nuuʹbb tääʹzz sääʹm-mättʼtõõzzâst åårrai päärnaid da nuõrid.
1) Sääʹmnuõri čeäʹppvuõttpeivva vueiʹtte vuässõõttâd vuâđđškooul da nuuʹbb tääʹzz sääʹm-mättʼtõõzzâst åårrai 6-20-âkksa päärna da nuõr.
2) Čeäʹppvuõttpeeiʹv ǩiõllân liâ nuõrtt-, aanar-, da tâʹvvsääʹmm.
3) Čeäʹppvuõttpeeiʹvest liâ nellj kuõʹhtt teeʹm (pääiʹǩ 4-5).
4) Teatter
Teatterčuäjtõõzz šlaajj lij jiijjad vaʹlljemnalla da tõt vuäitt leeʹd soolo- leʹbe joukkčuäjtõs. Teatterčuäjtõõzz teeʹmm lij jiijjad vaʹlljemnalla.
Teatterčuäjtõõzz tuâǥǥast vuäitt še ââʹnned tuâǥǥasjiõntõõzz. Ââʹnnmad tuâǥǥasjiõntõs vuäitt leeʹd sääʹm-musikk leʹbe jiõnnmaaiʹlm. Tuâǥǥasjiõntõssân ââʹnnemnalla åårrai jiõntõs vuäitt leeʹd jiõčč tuejjuum leʹbe ǩeän-ne nuuʹbb tuejjõs.
Čuäjtõõzzâst ââʹnnmad tuâǥǥasjiõntõs tååimtet čeäʹppvuõttpeeiʹv jäʹrjstejja ooudbeäʹlnn.
Čuäjtõõzz pešttmõš vuäitt leeʹd jäänmõsân 10 minuutt.
5) Pirrõsčeäppõs
Pirrõsčeäppõs tuejjeet luõttu leʹbe rajjum pirrõʹsse. Tõt vuäitt leeʹd tuejjõs, proseʹss leʹbe šõddmõš. Tuejjõõzzâst feʹrttai väʹldded lokku pirrõõzzâs da raajjâd vuârrvaaiktõs ǩiõččji da pääiʹǩ kõʹsǩǩe. Vuâmmšõõzz vueiʹtet še teâđast ǩiʹddjed pirrõõzz muttsid da ääiʹj jååttmõʹšše. Pirrõsčeäppõʹsse lij jiijjâsnallšem tõn õõlmâsvuõtt di kooumvuällamvuõtt da sâjjasvuõtt. Pirrõs vuäitt raajjâd tuejjõʹsse juäʹtǩǩem. Pirrõsčeäppõõzz juurd vuäitt vuâđđõõvvâd sââʹj määinaid, sâjja, luõnddu, mainsid leʹbe miârktõõzzid. Pirrõstuejjõõzz liâ määŋgvuâra kõskkpoddsa leʹbe tõid noorât meädda.
Pirrõsčeäppõstuejjõõzz teeʹmm da raajjâmnääʹll liâ jiijjad vaʹlljemnalla.
Måkam pääiʹǩest tuejjõs lij? Mäʹhtt tuejjõs suäpp pirrõʹsse?
Pirrõsčeäppõstuejjõs čuäjtõõlât videoin. Videost vuäitt sniimmâd tuejjõõzz leʹbe šõddmõõžž jeeʹres sniimmâmkuuʹlmin, da vuäitak še seämmapoodd mainsted tuejjõõzz tuâǥǥa leʹbe teeʹm pirr.
Videoin vueiʹtte leeʹd veâl še jeeʹres oummu lââʹssen, ǥu vuässõõđi jiijj.
Video sniimât teʹlfoonin leʹbe tableeʹttin. Video vuäitt leeʹd ceäggad leʹbe läskkad. Video teâttõshäämm lij .MP4 leʹbe .MOV. Jeeʹres ǥu ooudbeäʹlnn peäggtum videoteâttõshämmsid jeäʹt vääʹld ärvvtõõllmõõžžid.
Video kookkadvuõtt vuäitt leeʹd šuurmõsân 5 minuutt.
6) Pukin šlaajin liâ koumm ââʹǩǩrääid:
6–8-âkksa
9–12-âkksa
13–20-âkksa
7) Vuâlla 13-âkksa vueiʹtte vuässõõttâd tiuddâkksa vuäʹpstõõzzâst.
Lââʹssteâđ:
Tiina Aikio
Sääʹmnuõri čeäʹppvuõttpeeiʹv projeʹktt-tuâjjlaž
tiina.aikio@samediggi.fi
+358 (0)44 750 00 84