Saaʹmi meersažpeeiʹv juuhlʼjââʹttet ǩeeʹjjmieʹldd neäʹttel ääv virtuaalčiâssivuiʹm – puäʹđ mieʹldd!
Sääʹmǩiõli ougglõsõhttvuõđid äuʹǩǩeei mättʼtõõzz piʹlotthaʹŋǩǩõs juuhlʼjâtt 6.2. saaʹmi meersažpeeiʹv jäʹrjsteeʹl juʹn äʹrbbvuõđlaž virtuaalʼlaž mättčiâssid 3.-5.2.2026. Mättčiâss lie õhttsiʹžže kolmm, õhtt juõʹǩǩ Lääʹddjânnmest mainstum sääʹmǩiõʹlle: nuõrttsääʹmǩiõʹlle, tâʹvvsääʹmǩiõʹlle da aanarsääʹmǩiõʹlle. Tän vuâra čiâssi teeʹmmen lie ânnʼjõõžž ämmat. Čiâssi kueʹssen lie tooiʹmteei-ǩeeʹrjteei Sara Kelemeny, Oulu2026 sääʹmkulttuur koordinaattor Aino Valovirta da näʹǧǧtõsǩeʹrjjtuʹtǩǩeei Martta Alajärvi.
Mättčiâss lie jurddum sääʹmǩiõllsaid päärnaid da nuõrid, leša tuärjjǩiõllân ââʹnet lääʹddǩiõl. Čiâssid lie tiõrvpuättam puk sääʹmǩiõlin da sääʹm kulttuurâst persteei päärna, nuõr da rääʹvesoummu. Čiâssid vuäitt vuässõõttâd mättjeei jiõččines leʹbe klass obbnes õhttsaž õhttvuõđin.
Vuõiggvuõlttuum čiâssid peäss mieʹldd õhttnemliiŋkid kliʹkkjeeʹl. Čiâssi seuʹrrjummuš lij määustem ij-ǥa õõlǥât ouddiʹlmmtõõttmõõžž. Čiâssin lij še vueiʹttemvuõtt kõõččâd da saǥstõõllâd čääʹttest.
Ääv mättčiâssi programm
Mââibargg 3.2. čiâss 9.00–9.45
Ǩiõll: Nuõrttsääʹmm
Kueʹss tooiʹmteei-ǩeeʹrjteei Sara Kelemeny
Õhttnemliŋkk (Microsoft Teams): https://teams.microsoft.com/meet/38665955283479?p=twFHVS9fcF7NsBokYL
Seärad 4.2. čiâss 9.00–9.45
Ǩiõll Tâʹvvsääʹmm
Kueʹss Oulu2026: sääʹmkulttuur koordinaattor Aino Valovirta
Õhttnemliŋkk (Microsoft Teams): https://teams.microsoft.com/meet/36500101259585?p=wmtjnCqdx9GhPPzgQj
Nelljdpeiʹvv 5.2. čiâss 9.00–9.45
Ǩiõll Aanarsääʹmm
Kueʹss näʹǧǧtõsǩeʹrjjtuʹtǩǩeei Martta Alajärvi
Õhttnemliŋkk (Microsoft Teams): https://teams.microsoft.com/meet/36525686539871?p=lJbOaNoiEiqLPs121u
Tiõrv pueʹttem! Bures boahtin! Pyeri puáttim! Tervetuloa!
Lââʹssteâđ:
Laura Njunnas, projeʹkttjååʹđteei
laura.njunnas@edu.utsjoki.fi
040 701 2094
Anne Olli, projeʹkttkoordinaattor
anne.olli@samediggi.fi
040 687 5989
Saaʹmi meersažpeeiʹv vieʹttjet piirieeʹjji täʹlvvmannu 6. peeiʹv. Juuʹhlid riâššât tâʹl äʹrbbvuõđlânji jeeʹres åʹrnn Sääʹmjânnam da ânnʼjõžääiʹj še Sääʹmjânnam åålǥpeäʹlnn.
