Sääʹmteeʹǧǧ mättmateriaalikaaupâst tååimtempuätkõõzz ǩeässa
Ǩieʹzz poodd neʹttkaaup tiʹllʼjõõzzi ǩiõttʼtõõllmõõžžâst lij ǩieʹssluõvâsvuõđi diõtt kuuʹǩǩab puätkõs, täʹl mättmateriaaltiʹllʼjõõzzid jeäʹp tååimet.
Snimldõk: Ville Fofonoff
Sääʹmteeʹǧǧ mättmateriaalkaaup tiʹllʼjõõzzid jeät ǩiõttʼtõllu da ouddsid jeäʹp tååimet ääiʹjest 13.6.–29.6. di ääiʹjest 21.–25.7.2025.
Vuõssmõõzz pââʹj tiʹllʼjõõzz, kook liâ tuejjuum 11.6. mõõneeʹst, õõstât laaskted da paʹǩǩeed. Nuuʹbb pââʹj tiʹllʼjõõzz âʹlǧǧe tuejjeed 17.7. mõõneeʹst, što ouddsi laasktõõzzid õõstât håiddad ouddâl puätkõõzz. Täi ǩiiʹrji tiʹllʼjõõzz tååimtet, ǥu laskk lij mahssum.
Lââʹssen digitaalʼlaž mättmateriaali ǩiõttʼtõõllâm- da tååimtempuätkõs lij ääiʹjest 13.6 –6.8. Digitaalʼlaž mättmateriaali tiʹllʼjõõzzi ǩiõttʼtõõllmõš juätkkai âʹpet 7.8.ääʹljeeʹl. Škoouli digitaalʼlaž mättmateriaali liseeʹns oođeet ǩieʹss poodd automaattlânji.
Ouddõõzzid še Duodji Shopist
Sääʹmteeʹǧǧ neʹttkaaup tååimtempuätkõõzzi poodd pååʹšt mieʹldd vuõltteeʹl ǩiiʹrjid da cd-ceärnnsid vuäitt tiʹllʼjed Duodji Shopist. Sääʹmteeʹǧǧ digitaalʼlaž mättmateriaalid ij vueiʹt tiʹllʼjed Duodji Shopist.
