Sääʹmteʹǧǧ ååcc koordinaattor Sääʹmǩiõli ougglõsmättʼtõs -haʹŋǩǩõʹsse

Sääʹmteeʹǧǧ da Uccjooǥǥ kååʹdd õhttsaž haʹŋǩǩõs jääʹrjast ougglõsõhttvuõđid äuʹǩǩeei vuâđđmättʼtõõzz da lookkjiškooulškooultõõzz tiuddeei sääʹmǩiõli (aanar-, nuõrtt- da tâʹvvsääʹmm) mättʼtõõzz sääʹm dommvuuʹd kooʹddi åålǥbeäʹlnn åårrai škooulid. Haʹŋǩǩõõzz teäggat mättʼtõs- da kulttuurministeria.

Haʹŋǩǩõõzz koordinaattor vaʹsttad õhttvuõđin jeeʹres beäʹlnn Lääʹddjânnmest åårrai škooulid, škooultõõzz jäʹrjsteeʹjid da škooulniiʹǩǩi huõlteeʹjid, nåårr sääʹmǩiõli mättʼtõsjooukid da tåimm âʹlddõhttsažtuâjast Uccjooǥǥ kååʹddest tuâjast åårrai projeʹkttjååʹđteeʹj di haʹŋǩǩõõzz jeeʹres tuâjjlaivuiʹm. Koordinaattor tuõjju koʹlle še teâđtõs- da čuäjtõõllâmtuâj.

Kääzzkõskõskkvuõđ teâđ

Mieʹrräiggsaž tuâjj älgg 1.8.2026 da peštt 31.7.2027. Tuâjast lij vueiʹtlvaž altteed suåppmõõžž mieʹldd juʹn ääiʹjben.

Tuâj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.

Koordinaattor tuâjj sâjjdâtt Sääʹmteeʹǧǧest škooultõs- da mättmateriaalkonttra, koon tåimmpäiʹǩǩ lij sääʹmkulttuurkõõskõs Sajoozzâst. Tuâj lij vueiʹtlvaž tuejjeed ougglõstuâjjan.

Ooʒʒjest vueʹrddep

Šiõttõsvuâđlaž ââʹntemkaiʹbbjõssân lij veeʹrj kaiʹbbjem škooultõs da sääʹmǩiõl täidd (asetõs 1727/95). Tuâj oʹnnsteeʹjes håiddmõõžž ooudâsvieʹǩǩat sääʹmõõutstõõzz di mättʼtõsaaʹšši tobddmõš, odd jiõččnaž da tääʹrǩes tuâj tuejjummša di pueʹr vuârrvaaiktemtääid.

Päʹlǩǩvuõtt

Päʹlǩǩ meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz IV/IV mieʹldd, vuâđđpäʹlǩǩ 2877,73 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.

Ooccmõš

Ooccmõšlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 19.4.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna):

Ooccâmlomakk

Lââʹssteâđaid oudd škooultõspiisar Bigga-Helena Magga, bigga-helena.magga(at)samediggi.fi, teʹl. +358108393121.

Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi.

Sääʹmǩiõli ougglõsmättʼtõshaʹŋǩǩõõzz vuäitt tobdstõõttâd addrõõzzâst https://www.saamenetaopetus.com/

Aanrest 24.3.2026
Sääʹmteʹǧǧ