Sääʹmteʹǧǧ ååcc mieʹrräiggsaid mättmateriaal projeʹktt-tuâjjlaid
Sääʹmteʹǧǧ iʹlmmat ooccâmnalla kueʹhtt mieʹrräiggsa mättmateriaal projeʹktt-tuâjjla tuâj.
Nuuʹbb projeʹktt-tuâjjla tuâj õhttne sääʹmǩiõllsa abbâz puuʹtʼtummša vuâđđškooul alggmättʼtõʹsse. Nuuʹbb projeʹktt-tuâjjla tuâj kueʹsǩǩe pââibužškooul sääʹmǩiõllsa historia ǩeeʹrj sääʹmaaʹšši puuʹttummša.
Projeʹktt-tuâjjla tåimma aktiivlaž õhttsažtuâjast mättmateriaalplaaneeʹjivuiʹm.
Kääzzkõskõskkvuõđ teâđ
Mieʹrräiggsa tuâj äälǥče suåppmõõžž mieʹldd eeʹjj 2026 poodd. Kääzzkõskõskkvuõđ pešttmõš lij ǩidd tuâjjäiʹǧǧproseeʹntest. Tiudd tuâjjaaiʹjin historia materiaal projeʹktt-tuâjjla kääzzkõskõskkvuõtt lij kueiʹt määnpââʹj piʹštti da sääʹmǩiõllsa abbâz projeʹktt-tuâjjla tuâjj lij nellj määnpââʹj piʹštti. Vueiʹtlva juätkast saǥstõõlât jeeʹrab.
Mättmateriaalkonttâr tåimmpäiʹǩǩ lij sääʹmkulttuurkõõskõs Sajoozzâst, Aanrest, leša tuâj lij vueiʹtlvaž tuejjeed ougglõstuâjjan.
Ooʒʒjest vueʹrddep
Šiõttõsvuâđlaž ââʹntemkaiʹbbjõssân lij veeʹrj kaiʹbbjem škooultõs da sääʹmǩiõl täidd (asetõs 1727/95). Tuâj oʹnnsteeʹjes håiddmõõžž ooudâsvieʹǩǩat tuâj mättmateriaal di mättʼtemvuâla mättʼtemaunnâz tobddmõš, tuâjjǩiõččlâsttmõš mättmateriaaltuâjast, pueʹrr sääʹmkulttuur tobddmõš, tääʹrǩesvuõtt di pueʹr vuârrvaaiktemtääid.
Alggmättʼtõõzz materiaal puuʹttummša ooccâp tâʹvvsääʹmǩiõl täiddsa tuâjjla.
Päʹlǩǩvuõtt
Päʹlǩǩ meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz V/I mieʹldd (vuâđđpäʹlǩǩ 2762,37 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiijjâs maʹlle ǩeeʹrjtum ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 31.3.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
- Ooccâmlomakk sääʹmǩiõllsa abbâz projeʹktt-tuâjjliʹžžen
- Ooccâmlomakk sääʹmǩiõllsa pââibužškooul historia mättǩeeʹrj projeʹktt-tuâjjliʹžžen
Lââʹssteâđaid tuâjast ouʹdde vs. mättmateriaalpiisar Katja Semenoff, katja.semenoff@samediggi.fi da mättmateriaalplaaneeʹjj Marita Aikio, marita.aikio@samediggi.fi.
Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi da mättmateriaali neʹttkauʹppe addrõõzzâst www.samediggi.fi/oppimateriaalikauppa/
Aanrest 12.3.2026
Sääʹmteʹǧǧ
