Sääʹmteʹǧǧ ååcc väärrsaaǥǥjååʹđteeʹj spesiaalvieʹǩǩteeʹj
Sääʹmteʹǧǧ iʹlmmat ooccâmnalla II väärrsaaǥǥjååʹđteeʹj spesiaalvieʹǩǩteeʹj mieʹrräiggsaž tuâj.
Oođuum Sääʹmteeʹǧǧ mieʹldd Sääʹmteeʹǧǧ väärrsaaǥǥjååʹđteeʹj tåimma tuâjstes väʹlddtååimlânji. Saaǥǥjååʹđteeʹjjkådda vääʹldet tuõjju kuälmad spesiaalvieʹǩǩteeʹjj, kååʹtt tueʹjjad tuâj aktiivlaž õhttsažtuâjast ääiʹjab tuõjju nõõmtum saaǥǥjååʹđteeʹji spesiaalvieʹǩǩteeʹjivuiʹm.
Väärrsaaǥǥjååʹđteeʹj spesiaalvieʹǩǩteeʹj tuâj meäʹrtâʹvve Sääʹmteeʹǧǧ tuâjjriâššmõõžž 12 § (14.4.2026 tiuddsåbbar raaveem tuâjjriâššmõš). Väärrsaaǥǥjååʹđteeʹj spesiaalvieʹǩǩteeʹj väʹlddtuâjjan lij vieʹǩǩted väärrsaaǥǥjååʹđteeʹj viikkâd čõõđ tuâjjriâššmõõžž meâldlaž tuâjeez da tän tuâjjan mieʹrruum tuâjain, di tåimmad väärrsaaǥǥjååʹđteeʹj raʹvvjeeʹjen di tuäʹrjjen saǥstõõllmõõžžin. Lââʹssen väärrsaaǥǥjååʹđteeʹj spesiaalvieʹǩǩteeʹjj valmštââll väärrsaaǥǥjååʹđteeʹj saakkummuž liʹnʼjjõõzzid, teâđtõõzzid da sosiaalʼlaž media peeiʹvtummšid da âânn huõl väärrsaaǥǥjååʹđteeʹj äiʹǧǧtaaulin, sååbbar- da maatkčemriâššmõõžžin,
Kääzzkõskõskkvuõđ teâđ
Sääʹmteeʹǧǧ tuâjjriâššmõõžž mieʹldd väärrsaaǥǥjååʹđteeʹj spesiaalvieʹǩǩteeʹj nõõmtet tuâjas väärrsaaǥǥjååʹđteeʹj toiʹmmjempââʹjjen. II saaǥǥjååʹđteeʹj spesiaalvieʹǩǩteeʹj tuâjj äälǥči suåppmõõžž mieʹldd vueiʹtlva sõrgg da peštt 30.11.2027 räjja. Tuâjj sâjjdâtt Sääʹmteeʹǧǧ takaikonttâr vuâlažvuõʹtte.
Tuâj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.
Sääʹmteeʹǧǧ tåimmpäiʹǩǩ lij sääʹmkulttuurkõõskõs Sajoozzâst, Aanrest, leša tuâj lij vueiʹtlvaž tuejjeed ougglõstuâjjan.
Ooʒʒjest vueʹrddep
Ââʹntemõõlǥtõssân lij šiõtlvaž õllškooultuʹtǩǩõs. Lââʹssen õõlǥtet sääʹmǩiõl tääid (tuâjjriâššmõš 71.2 §). Tuâj oʹnnsteeʹjes håiddmõš õõlǥat pueʹrr sääʹmkulttuur, sääʹmpolitiikk da vaaldšemvuõđlai tuâjai tobddmõõžž di samai pueʹr ǩeerjlaž õõlmtõsoodd. Lââʹssen vueʹrdet pueʹrr vuârrvaaiktõs-, organisâsttmõš- da õhttsažtuâjjtääidaid, teäddǩiõrddâmpâstlvažvuõđ, njueʹbǯǯlõsvuõđ di oodd tåimmad jiõččnes väʹǯǯlõs da ääiʹji mieʹldd ǩirrsallaš vuõʹjjin.
Päʹlǩǩvuõtt
Päʹlǩǩvuõtt meäʹrtââvv Sääʹmteeʹǧǧ paʹlǩǩ-klassriâžldõõǥǥ väʹǯǯelvuõtt-tääʹzz IV/II mieʹldd (vuâđđpäʹlǩǩ obbtuâjjaaiʹjin 2998,97 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiõččtäättlaž di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 30.4.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
Lââʹssteâđaid tuâjast oudd vaaldâšmjååʹđteeʹjj Pia Ruotsala-Kangasniemi teʹl. pia.ruotsala(at)samediggi.fi, teʹl. 040 726 2688
Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi
Aanrest 15.4.2026
Sääʹmteʹǧǧ
