Tiõrv pueʹttem kååʹffpoʹdde 17.6. Heʹlssnest da 18.6. Aanrest

Sääʹmteʹǧǧlääʹjj nuʹbb ǩiõttʼtõõllmõš älgg eeʹttiǩ-kååʹdd tiuddišttmest mââibaarǥ 17. ǩieʹssmannust. Nuuʹbb ǩiõttʼtõõllmõõžžâst tuʹmmjet lääʹǩǩeʹtǩǩõõzz priimmʼmõõžžâst leʹbe hiâlǥummšest. 

– Haaʹleep kåččad säʹmmlaid di pukid sääʹmteʹǧǧlääʹjj oođummuž ouʹdde tuâj tuejjääm äävkååʹffpoʹdde. Pooddid jäʹrjstet kueʹhtt: vuõssmõs mââibaarǥ Heʹlssnest da nuʹbb seärad Sääʹmteeʹǧǧ tiuddsåbbar õhttvuõđâst Aanrest. Ǩeʹnnvânji tiõrv pueʹttem mieʹldd saǥstõõllâd da jueʹǩǩed jurddjid täʹst kuʹǩes proseeʹssest, särnna Sääʹmteeʹǧǧ saaǥǥjååʹđteei Pirita Näkkäläjärvi, I väärrsaaǥǥjååʹđteei Leo Aikio da II väärrsaaǥǥjååʹđteei Tuomas Aslak Juuso.

Pooddi ääiʹjpoodd da pääiʹǩ

Heʹlssen
Mââibargg 17.6. čiâss 18-20
Oodin lämpiö (Töölönlahdenkatu 4, 00100 Helsinki) 

Aanar
Seärad 18.6. čiâss 17
Sääʹmkulttuurkõõskõs Sajoozz kueʹrnec (Sääʹmteeʹǧǧ såbbar õhttvuõđâst) 

Lââʹssteâđ:

Heʹlssen poodd beäʹlnn: 

Niina Siivikko 
Saaǥǥjååʹđteeʹjj vieʹǩǩteeʹjj
teʹl. 044 779 1620 
niina.siivikko@samediggi.fi 

Aanar poodd beäʹlnn: 

Johanna Alatorvinen
Saaǥǥtõspiisar
040 663 4493 / 010 839 3140
johanna.alatorvinen@samediggi.fi