Sääʹmteʹǧǧ juuʹhlʼjâtt ođđ sääʹmteʹǧǧlääʹjj Sajoozzâst 6.2.2026 - programm da jeäʹǩǩesprogramm õlmstõttum

Juʹhllpeiʹvv jåttai kååʹffstueʹlin Sajoozz jõnnkääʹrdest čiâss 10:15 da jiõčč programm älgg čiâss 11:00 Sajoozz auditoriost. Peeiʹv ääiʹj kuulât saakkvuâraid, saǥstõõllmõõžž ođđ sääʹmteʹǧǧlääʹjjest di jiânnai musiikk. 

• Peeiʹv prograamm vuäitt seuʹrrjed ougglõsõhttvuõđin tuʹlǩǩõõzzin addrõõzzâst https://us06web.zoom.us/j/84081619667
• Jeäʹǩǩeskonseeʹrt vuäitak seuʹrrjed addrõõzzâst sajos.fi/live 

Juuʹhlest kuulât saakkvuâraid Sääʹmteeʹǧǧ saaǥǥjååʹđteeikååʹddest da Ruõcc da Taarr Sääʹmteeʹǧǧ eeʹttkõʹsttjin. Mättʼtõsminister Anders Adlercreutz tooiʹmat riikk tiõrvtõõzz. Peeiʹv ääiʹj kuulât modeernid da äʹrbbvuõđlaid musikkčuäjtõõzzid, jeeʹrab mieʹldd Vuotso niõđ, vueʹbbež Biret-Ingermaria Vars 15 v. da Ánná-Frida Vars 13 v. juõiggje äʹrbbvuõđlaž juõiǥid, Aimo Aikio läull nuõrtt- da aanarsääʹmǩiõʹlle da Anna Lumikivi-Lemmetty leuʹddai äʹrbbvuõđlaž sääʹm leeuʹdid. Puk peeiʹv musiikkâr käunnʼje vueʹlnn åårrai prograammâst. 

Jeäʹǩǩespeeiʹv programm musikkčuäjtõõzzivuiʹm da paneeʹlsaǥstõõllmõõžžin, da peiʹvv poott õhttsaž kååʹff- da käkkstuälla Sajoozz jõnnkääʹrdest. 

Programm

10:30 Kååʹffstueʹll Sajoozz jõnnkääʹrdest  

11:00 Musikkčuäjtõs 

11:05 Alggsääʹn  

11:10 Saaǥǥjååʹđteeikååʹdd tiõrvʼvuõđ  

Pirita Näkkäläjärvi, Sääʹmteeʹǧǧ saaǥǥjååʹđteei 

Leo Aikio I väärrsaaǥǥjååʹđteei 

Tuomas-Aslak Juuso II väärrsaaǥǥjååʹđteei 

11:25 Äʹrbbvuõđlaž juõigg, Ánná-Frida da Biret-Ingermaria Vars 

11:30 Taarr Sääʹmteeʹǧǧ tiõrvʼvuõđ, tiuddsåbbar saaǥǥjååʹđteei Sandra Márjá West 

11:35 Ruõcc Sääʹmteeʹǧǧ tiõrvʼvuõđ, II väärrsaaǥǥjååʹđteei Mari-Ann Nutti 

11:40 Äʹrbbvuõđlaž leuʹdd Anna Lumikivi-Lemmetty 

11:45 Tiõrvtõõzz 

11:50 Riikk tiõrvtõs, Mättʼtõsminister Anders Adlercreutz 

12:00 Vuoigatvuođaministeriija tiõrvtõs, Johanna Suurpää 

12:05 Tiõrvtõs, MEP Anna-Maja Henriksson 

12:15–14:00 Kõskk  

14:00 Nuõrtt- da aanarsääʹm musikk, Aimo Aikio 

14:05 Sääʹm sooǥǥ laaul, Ulpu Mattus-Kumpunen 

14:10 Paneeʹlsaǥstõõllmõš  

15:15 Äʹrbbvuõđlaž juõigg, Antti Oula Juuso 

15:20 Õʹhtteǩeässmõš  

15:25 Sääʹm meersažjuõigg Sámieatnan duoddariid, Ulpu Mattus-Kumpunen  

15:30 Kååʹff da käkk Sajoozz jõnnkääʹrdest 

18:30 Jieʹǩǩeskonseʹrtt Ulla Pirttijärvi & Ulda Sajoozz auditoriost 

Jeäʹǩǩeskonseeʹrt jäʹrjstet čiâss 18:30 Sajoozz auditoriost. Konseeʹrt musiikkâr lij Ulla Pirttijärvi da Ulda. Jeäʹǩǩeskonseʹrtt lij pukid äävai ij-ǥa tõõzz taarbâž iʹlmmtõõttâd õuddǩiõʹtte. Pääiʹǩ lie rajjtum da tõid tieuʹdet pueʹttemjäʹrjstõõzzâst, nuʹtt-ba pääiʹǩ õõl kaʹnnat pueʹtted ääiʹjeld. Ulla Pirttijärvi & Ulda čuäʹjat modeern sääʹm musiikk, koʹst tâʹvv luõttu kuulli teeʹm da juõigg vuârtâʹlle musiikklânji äʹrbbvuõđlaž sääʹmkulttuurin da ânnʼjõžaaiʹjin.  

Sääʹmteʹǧǧ tuäivat pukid pakkmiõʹlle tiõrvpueʹttjen juuʹhlʼjâʹtted saaʹmi meersažpeeiʹv da oođuum sääʹmteʹǧǧlääʹjj.  

Lââʹssteâđ juʹhllpeeiʹvest:

Saara-Maria Salonen
saara-maria.salonen@samediggi.fi
044 739 4007