Bálggis hárjehusgirji čakča

Buvttagovvádus

Bálggis-čavčča hárjehusgirji fállá sámekultuvrii vuođđuduvvi bargguid 2. luohká davvisámegiela eatnigiela oahpahussii. Girjji sáhttá atnit ávkin maiddái bajit luohkáin. Girjji, man Sámediggi lea almmustahttán, lea ráhkadan erenoamášluohkkáoahpaheaddji Aura Pieski, govuhan govvadáiddár Nora Bäck ja doadján Katja Lettinen.

Girjji figuvrrat leat oahppiide oahppásat ovddit Árdna-oahppamateriálas, ja Bálggis-hárjehusgirjji barggut jotket lunddolaččat álgooahpahusas álggahuvvon oahppanbálgá. Hárjehusgirjji máŋggabealat barggut roahkasmahttet geavahit giela aktiivvalaččat. Oahppamateriála sisdoallu lea sápmelaš eallinbirrasis, luonddus, servošis ja kultuvrras. Ulbmilin lea nannet oahppiid davvisámegiela máhtu ja doarjut sin kultuvrralaš identitehta. Girjjis leat oasit maiddái iešárvvoštallamii ja veardásašmáhcahahkii.

Bálggis-ollisvuohta ovddiduvvo muttuid mielde. Čavčča hárjehusgirjji lassin barggu vuolde leat giđa hárjehusgirji ja lohkangirji, mat dievasmahttet oahppamateriálaráiddu boahttevaš jagiid áigge. Čavčča hárjehusgirjái laktáseaddji lohkangirjji teavsttaid sáhttá diŋgot digitála hámis geahččalanatnui ovdalgo aitosaš lohkangirji gárvána.

Lassidieđut ja geahččalanatnomateriála:
Aura Pieski
Oahppamateriálaplánejeaddji
aura.pieski@samediggi.fi

1. prentehus. ISBN 978-952-441-688-7.

• Almmustahttinjahki 2026
• Aura Pieski