2.3. Lääʹddjânnam Sääʹmteeʹǧǧ vuâđđeempeiʹvv (1996)
Sääʹmteʹǧǧ lij eeʹjj 1996 aalǥâst jiijjâs lääʹjjin alttuum saaʹmi jiõččvaaldšemorgaan, kååʹtt eettkâstt saaʹmid jiijjâs tuâjid kuulli aaʹššin nuʹt meersânji ǥu meeraikõõsǩeld še. Sääʹmteeʹǧǧ vuâđđeeš eeʹjj 1995 oođuum vuâđđlääʹjj nuäjja. Sääʹmteeʹǧǧ oudldõsttjen iiʹjjin 1973 – 1995 tuåimmji Sääʹm parlameʹntt, kååʹtt leäi vuâđđuum tõʹst uvddum riikksuåvtõõzz asetõõzzin.
Sääʹmteeʹǧǧ 21 vuäzzla da nellj vääʹrrneeʹǩǩ vaʹlljeet saaʹmi kõõskâst juõʹǩǩ neelljad eeʹjj tiuʹddepiijjmin vaalin. Juõʹǩǩʼkast saaʹmi dommvuuʹd kååʹddest šâʹdde leeʹd uuʹccmõsân kolmm eeʹttǩeei da õhtt vääʹrrneǩ.
