Mååusat

Iʹlmmtõõttmõš Sääʹmnuõri čeäʹppvuõttpeeiʹvid älgg

Õlmstõttum 19.3.2026 Teâđtõõzz, Škooultõs da mättmateriaal, Päärna da nuõr, Sääʹmnuõri čeäʹppvuõđpeeiʹv

Iʹlmmtõõttmõš Sääʹmnuõri čeäʹppvuõttpeivva 19.5.2026 lij äävai 27.3.-13.4.2026. Čeäʹppvuõttpeivva iʹlmmtõõđât Webropol-prograamm pääiʹǩ.

Yleisö istuu katsomossa. Lavalla kolme henkilöä juontamassa tapahtumaa.

Kuva: Saamelaiskäräjät / Tuuli Paadar.

Sääʹmnuõri čeäʹppvuõttpeeiʹv ââʹnet mââibaarǥ 19.5.2026 čiâss 10.00 ääʹljeeʹl Karigasnjaarǥ škooulâst. Čeäʹppvuõttšõddmõš lij tän eeʹjj õõutpeivvsaž.

Čeäʹppvuõttpeivva vuäiʹtte vuässõõttâd vuâđđškooul da nuuʹbb tääʹzz sääʹm-mättʼtõõzzâst åårrai 6–20-âkksa päärna da nuõr. Ââʹkkrääid jie leäkku. Čeäʹppvuõttpeeiʹv ǩiõllân lie nuõrtt-, aanar- da tâʹvvsääʹmm. Ǥu čuäjtõõzzin lie ââʹnnmest tåʹlǩ mikrofoon, ij jeeʹrab sound check leäkku. Joukk leʹbe škooulneǩ vuäitt vuässõõttâd määŋg čeäppõs-šlaʹjje.

Sääʹmteʹǧǧ jääʹrjast jååʹđtõõzzid di porrmõõžž peeiʹv äiʹǧǧen. Jååʹđtõõzz kueʹsǩǩe vuõss-sââʹjest säʹmmlai dommvuuʹd škoouli sääʹmklassniiʹǩǩid di sääʹmǩiõli mättʼtõõttjid. Kuʹǩes määʹtǩ tueʹǩǩen jooʹttjid jäʹrjstet instummuž, taarb ärvvtõõlât škoouli õõl. Čeäʹppvuõttpeivva vääʹldet jäänmõsân 300 ooumžed, leša tõn streamjet, kuäʹss pukin haaʹleeʹjin lij vueiʹttemvuõtt seuʹrrjed tõn jiiʹjjes škooulâst.

Čeäʹppvuõttpeeiʹv teeʹm

Mainnâz mušttlummuš (piišt 3 min)

Maainâs lij äʹrbbvuõđlaž leʹbe pääiklaž, šõddâm tuuʹl leʹbe miârkteei jiijjad vuuʹdest leʹbe sääʹm mušttlemäʹrbbvuõđâst. Mušttlummšest lij šiõǥǥ väʹldded lokku kuullʼjid. Jiõnn, jiõnnteäddõs, kõõutʼtummuš, da mainnâz siiskõõzz mušttlet säämas.

Mainnâz čuäʹjtet videon da tõn sniimât teʹlfoonin leʹbe tableeʹttin. Video vuäitt leeʹd ceäggad leʹbe läskkad. Video teâttõshäämm âlgg leeʹd .MP4 leʹbe .MOV. Video vuõltteet õuddǩiõʹtte 30.4.2026 mõõneeʹst addrõʹsse tarja.porsanger@samediggi.fi.

Jiõnnmaaiʹlm (piišt 3 min)

Jiõnnmaaiʹlm raajât jeeʹresnallšem jiõni pääiʹǩ. Ryytm, ooumažjiõn, elektroonlaž, luâđ jiõni da juʹn-ba såittneävvai âânnmõš lij vueiʹtlvaž. Jeeʹresnallšem jiõni õʹhttesuåvtummuš rääjj jiõnnmaaiʹlm, kååʹtt jiijjstes lij maainâs leʹbe vueiʹtlvaž vueʹss miõlâst jurddum musikkčuäjtõõzzâst. Jiõnnmaaiʹlm čuäʹjtet kriiʹlc âʹlnn čeäʹppvuõttpeeiʹvest, vueʹss jiõnnmaaiʹlmest vuäitt leeʹd rajjum õuddǩiõʹtte (ouddm. mošttsääʹǧǧest).

Äʹrbbvuõđlaž livđe, leuʹdd, luohti (5-10 min)

Äʹrbbvuõđlaž sääʹm vokaalmusikkčuäjtõs vuäitt ââʹnned seʹst õõut leʹbe mäŋggsab luohti, livđe leʹbe leeuʹd, kuuitâǥ uvddum ääiʹj seʹst. Čuäjtõs joukkân leʹbe solo-čuäjtõsân. Čuäjtõõzzâst ij leäkku čuõjldâttmõš, leša ruumb leʹbe uuʹcces rytmmsåittneävvai âânnmõš lij vueiʹtlvaž.

Ǩiõtt-tuâjj

Ǩiõtt-tuâjast lie kueʹhtt kategoria, vuässõõtti vuässââtt tåʹlǩ nobba täin:

Äʹrbbvuõđlaž ǩiõtt-tuâjj, koonn ohjjee materiaal, häämm, eeuʹn, ââʹnnemjuurd da ǩiõđi tuejjuum tuâj miârk.
Ǩiõtt-tuâj ođđ jieʹllem, kååʹtt vuäitt leeʹd tuunʼjum, ođđ innovaatio, treendlaž, tivvum leʹbe pieʹllvaʹlddi.

Ǩiõtt-tuâjast vuõltteet snimldõõǥǥ õuddǩiõʹtte 30.4.2026 mõõneeʹst addrõʹsse tarja.porsanger@samediggi.fi. Ǩiõtt-tuâjaid puuʹtet čeäʹppvuõttpeivva, koʹst tõid piijât kueʹsttma. Ǩiõtt-tuõjju âlgg piijjâd tuejjeei teâđaid (nõmm, ââʹǩǩ da škooul).