Kåʹllǩiõll – Tâʹvvjânnmallaš sääʹmǩiõllciist jueʹjjet čâhčča 2024

Kåʹllǩiõll – Tâʹvvjânnmallaš ǩiõllciist jueʹjjet õtmlååǥǥad vuâra čâhčča 2024 sääʹmaaʹššin vaʹstteei ministeeʹri di Lääʹdd, Taar da Ruõcc Sääʹmtiiʹǧǧi saaǥǥtuõʹllʼjeeʹji kõskksaž noorõõttmõõžž õhttvuõđâst, koon ââʹnet Oslost kålggmannu 22. peeiʹv 2024. Ǩiõllciist jueʹjjet oummuid leʹbe õhttõõzzid, kook lie tuejjääm sääʹmǩiõli ooudâsviikkâm diõtt. Kåʹllǩiõll – Tâʹvvjânnmallaš sääʹmǩiõllciist vuâđđeeš Taar, Ruõcc da Lääʹdd jânnmi sääʹmaaʹššin vaʹstteei ministeeʹri di Taar, Ruõcc da Lääʹdd Sääʹmtiiʹǧǧi saaǥǥtuõʹllʼjeeʹji alttõõzzin. Ciist jueʹjjet juõʹǩǩ nuuʹbb eeʹjj, vuõss vuâra eeʹjj 2004. Cistt lij 15 000 eeuʹr šoora.

Ǩiõllciist täävtõs

Ǩiõllciist täävtõssân lij tuärjjeed sääʹmǩiõli ouʹddepohttmõõžž, ooudâsviikkmõõžž da seeiltummuž Taarjânnmest, Ruõccjânnmest, Lääʹddjânnmest da Ruõššjânnmest.

Ǩeäzz ciist vueiʹtet miõttâd?

Ǩiõllciist vuäǯǯai vuäiʹtte leeʹd privattoummu, joouk, õhttõõzz leʹbe stroiʹttel, kook lie tueʹjjääm jiânnai sääʹmǩiõli ooudâsviikkâm diõtt; juʹn-a ǩeerjlaž, njäälmlaž leʹbe jeeʹres naaʹlin. Ciist vueiʹtet miõttâd määŋgnallšem ǩiõlʼlaž ärvvtõõllâmnaaʹli vuâđald. Ciist vueiʹtet jueʹǩǩed õõut vuäǯǯja leʹbe jäänbi vuäǯǯji kõõskâst.

Nõõmât võboršeeʹǩǩ!

Privattoummu, õhttõõzz, stroiʹttel da veʹrǧǧneeʹǩǩ Taarjânnmest, Ruõccjânnmest da Lääʹddjânnmest vuäiʹtte eʹtǩǩeed võboršiiʹǩǩid ǩiõllciist vuäǯǯjen. Ǩeeʹrjet da vuõlttâd jiijjad eʹtǩǩõõzz da vuâđđtõõllmõõžž, jäänmõsân kueiʹt seeid kookka.

Eʹtǩǩõõzzid âlgg tååimted 1.9.2024 mõõneeʹst:

Neʹttpååʹšt: postmottak@kdd.dep.no

Pååʹšt:
Gollegiella – bedømningskomité
Avdeling for urfolk og nasjonale minoriteter,
Kommunal- og distriktssdepartementet,
Postboks 8112 Dep,
0032 Oslo, Norge

Teʹlfon: + 47 22 24 72 82