Sääʹmteeʹǧǧ kulttuurluʹvddkåʹdd lij ääʹvääm ooccâmnalla kulttuurveäʹǩǩtieʹǧǧ 2026
Sääʹmteeʹǧǧ kulttuurluʹvddkåʹdd lij õlmstâttam ooccâmnalla kulttuurveäʹǩǩtieʹǧǧid riikk tällõsarvvlõõzzâst (väʹlddklass 29, mättʼtõsministeria), kooi täävtõssân lij oouʹdeed sääʹmǩiõllsaž kulttuur seillmõõžž da ooudâsviikkmõõžž, di tâʹvvjânnmallaš sääʹmorganisaatioi da Uccjooǥǥ Sääʹmceerkavǩeâmpi âʹlnn âânnmõõžž. Ooccâmäiʹǧǧ lij 1.10.–31.10. kõskksaž poddân.
Snimldõk: Ville Fofonoff
Sääʹm kulttuurmieʹrrtieʹǧǧest jueʹjjet piiri-iiʹjji ooccmõõžžâst veäʹǩǩtieʹǧǧid sääʹmčeäppõõzz da -kulttuur jeeʹres suõʹrjid di sääʹmorganisaatioid. Sääʹmteeʹǧǧ tuâjjriâššmõõžž mieʹldd veäʹǩǩtieʹǧǧid miõđât väʹlddveärlaž kulttuurveäʹǩǩteäʹǧǧen mâta projeʹkttveäʹǩǩteäʹǧǧ, tuejjummuž- leʹbe jeeʹres veäʹǩǩteäʹǧǧ da õõlmtõstuärjjõs di sääʹmorganisaatioi tåimmam- da projeʹkttveäʹǩǩteäʹǧǧen.
Ooccâmlomaakk liâ Sääʹmteeʹǧǧ neʹttseeidain addrõõzzâst https://samediggi.fi/nuo/vasttosvuud/kulttuur/kulttuurmierrteagg/
Veäʹǩǩteäʹǧǧooccmõõžžid vuäitt tååimted digitaalʼlânji, persoonlânji leʹbe äʹššoummu ââʹneeʹl, vuõltteed neʹttpååʹštin leʹbe pååʹštin. Veäʹǩǩteäʹǧǧooccmõõžži vuõlttummuš šâdd vuõltteeʹj vasttõõzzin.
Veäʹǩǩteäʹǧǧooccmõõžž âʹlǧǧe čuäʹjted Sääʹmtegga mââimõssân 31. kålggmannust 2025 čiâss 16.15 mõõneeʹst addrõõzzin: info@samediggi.fi leʹbe Sääʹmteʹǧǧ, Sajos, 99870 Inari.
Lââʹssteâđaid vuäǯǯ kulttuurpiisrest teʹl. 010 839 3103 da neʹttpååʹštin kulttuuri@samediggi.fi
Sääʹmteʹǧǧ
