Sääʹmteʹǧǧ iʹlmmat ooccâmnalla mieʹrräiggsaž Ijahis idja -festivaal projeʹktt-tuâjjla tuâj
Tuâjj älgg 3.6.2024 da peštt 23.8.2024 räjja. Projeʹktt-tuâjjlaž vaʹsttad Ijahis idja -alggmeerai musikkfestivaal veäʹǩǩpuuʹtʼteei tuâjain. Ijahis idja -festivaal jäʹrjstet 18.‒19.8.2023 Aanrest, Sajoozzâst.
Ââʹntemkaiʹbbjõsân lij tuâj õudldem šiõttlõs škooultõs da sääʹmǩiõlltäidd (asetõs 1727/95). Tuâj oʹnnsteeʹjes håiddmõõžž ooudâsvieʹǩǩat ǩiõččlâsttmõš šõddmõšjäʹrjstummšest, pueʹr õhttsažtuâjj- da vuârrvaaiktemtääid di odd jiõččniʹžže da samai täärǩes tuõjju. Samai pueʹrren ǩiõččât šiõǥǥ eŋgglõsǩiõl täidd.
Projeʹktt-tuâjjla päʹlǩǩ meäʹrtââvv Lääʹdd Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz V/II mieʹldd (vuâđđpäʹlǩǩ 2432,19 euʹrred/mp). Vuâđđpääʹlǩ õõl määuʹset 24 % sääʹmvuuʹd lââʹzz da tuõjju härjjnem mieʹldd meäʹrtõõvvi lõõʹzzid. Projeʹktt-tuâjjla tåimmpäiʹǩǩ lij sääʹmkulttuurkõõskõs Sajoozzâst, Aanrest.
Ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe maaccted Sääʹmteeʹǧǧ piisarkådda 14.4.2024 mõõneeʹst tän ooccâmlomaakk pääiʹǩ (ävvan ođđ ikkna).
Lââʹssteâđaid tuâjast oudd sääʹm-musikk-kõõskõõzz plaaneei Oula Guttorm t. 040 667 4545, oula.guttorm(at)samediggi.fi.
Sääʹmteeʹǧǧ toiʹmmjummša vuäitt tobdstõõttâd addrõõzzâst www.samediggi.fi da Ijahis idja -alggmeerai musikkšõddmõʹšše addrõõzzâst: www.ijahisidja.fi
Aanrest 29.3.2024
Sääʹmteʹǧǧ
