Sääʹmteʹǧǧ ååcc mieʹrräiggsaž tâʹvvsääʹm ǩiõlltuâjjlaž-jåårǥlõõʹtti
Sääʹmteʹǧǧ iʹlmmat ooccâmnalla mieʹrräiggsa tâʹvvsääʹm ǩiõlltuâjjlaž-jåårǥlõõʹtti tuâj.
Ǩiõlltuâjjlaž-jåårǥlõʹtti tuâjjan lij håiddad tâʹvvsääʹm jåårǥlâʹttemtuâjaid Sääʹmteeʹǧǧ sääʹmǩiõl konttrest.
Kääzzkõskõskkvuõđ teâđ
Tuâjj älgg suåppmõõžž mieʹldd. Mieʹrräiggsaž kääzzkõskõskkvuõđ pešttmõš lij kutt määnpââʹj, vueiʹtlvânji jäänab. Vueiʹtlvaž juätkast suåvât jeeʹrab. Kääzzkõskõskkvuõđ tieuʹddmest jääʹǩǩtet kueiʹt määnpââʹj ǩiččlõddâmääiʹj.
Sääʹmǩiõl koontâr lij Aanrest, sääʹmkulttuurkõõskõs Sajoozzâst. Tuâj lij vueiʹtlvaž tuejjeed ougglõstuâjjan.
Ooʒʒjest vueʹrddep
Ǩiõlltuâjjlaž-jåårǥlõõʹtti ââʹntemkaiʹbbjõssân lij tuâj oudldem šiõttlõs škooultõs di sääʹmǩiõl täidd (asetõs 1727/95). Lââʹssen jåårǥlõõʹtti ââʹntemõõlǥtõssân lij lääʹjjest auktorisõsttum jåårǥlõõʹttjin (1231/2007) jurddum vuõiggâdvuõtt tåimmad auktorisõsttum jåårǥlõʹttjen lääʹddǩiõlâst tâʹvvsääʹmǩiõʹlle leʹbe nuʹbiooʹri. Tuâj oʹnnsteeʹjes håiddmõõžž ooudâsvieʹǩǩat tuâjjǩiõččlâsttmõš jåårǥlâʹttemtuâjain, pueʹrr tâʹvvsääʹmǩiõl da sannõõzz tobddmõš, di odd jiõččniʹžže da tääʹrǩes tuâj tuejjummša. Ââʹnnep äärvast pueʹrr õhttsažtuâjj- da vuârrvaaiktemtääidaid.
Päʹlǩǩvuõtt
Tuâj päʹlǩǩvuõtt meäʹrtââvv Sääʹmteeʹǧǧ päʹlǩǩriâžldõõǥǥ väʹǯǯelvuõtt-tääʹzz IV/IV leʹbe V/II meâldlânji (vuâđđpäʹlǩǩ 2877,73–2762,37 euʹrred/mp). Vuâđđpääʹlǩ lââʹssen tuâjast määuʹset 24 % sääʹmvuuʹd lââʹzz säʹmmlai dommvuuʹdest tuejjeʹmmen da tuõjju härjjnem mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, jiijjâs maall meâldlaž ooccâmǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 9.3.2026 mõõneeʹst tän liâdǥlaž ooccâmlomaakk pääiʹǩ: Ooccâmlomakk
Lââʹssteâđaid tuâjast oudd Sääʹmteeʹǧǧ ǩiõllstaanpiisar Anne Kirste Aikio, teʹl. +358 40 707 5626 leʹbe anne-kirste.aikio(at)samediggi.fi.
Aanrest 23.2.2026
Sääʹmteʹǧǧ
