Sääʹmteʹǧǧ ååcc nuõripiisar veʹrǧǧsâjjsa
Sääʹmteʹǧǧ iʹlmmat ooccâmnalla nuõripiisar veʹrǧǧsâjjsažvuõđ ääiǥas 15.9.2025–31.7.2026.
Nuõripiisar tuâjain lij mieʹrruum Sääʹmteeʹǧǧ tuâjjriâššmõõžž 26 a §:st. Nuõripiisar väʹlddtuâjjan lie tåimmad nuõrisuåvtõõzz ouʹdde puʹhttjen da piisren da valmštõõllâd nuõrisuåvtõõzz såbbrin ǩiõttʼtõõllâmvuâllsaž aaʹššid di toimmupiijjâd tuʹmmstõõǥǥid. Lââʹssen nuõripiisar tuâjjan lie jm. valmštõõllâd Sääʹmteeʹǧǧ tåimmorgaanid sääʹmnuõri jieʹllemåårrmõõžžid da pueʹrrvââjjam kuõskki aaʹššid, oouʹdeed sääʹm nuõrituâj õõutveäkka sääʹmnuõrivuiʹm, vaʹstteed Sääʹmteeʹǧǧ nuõriteâđtummšest di håiddad sääʹm nuõrimieʹrrtieʹǧǧ vaaldšummša õhttneei tuâjaid.
Kääzzkõskõõsk teâđ
Veʹrǧǧsâjjsažvuõtt äälǥči 15.9.2025 leʹbe suåppmõõžž mieʹldd da peštt 25.7.2026 räjja. Tuâjjpäiʹǩǩ lij Sääʹmteeʹǧǧ takai konttâr vueʹlnn.
Sääʹmteeʹǧǧ tåimmpäiʹǩǩ lij Sääʹmkulttuurkõõskõs Sajoozzâst, Aanrest, leâša tuâj lij vueiʹtlvaž tuejjeed ougglõstuâjjan.
Ooccjest vueʹrddep
Ââʹntem-mäinnan lij tuâj oudldem ânnʼjõõvvi škooultõs di sääʹmǩiõl silttõs (asetõs 1727/95). Veeʹrj oʹnnsteeʹes håiddmõõžž ooudâsvieʹǩǩte ânnʼjõõvvi õllškooultuʹtǩǩõs, šiõǥǥ nuõriaaʹšši, sääʹmkulttuur da vaaldšemvuõđlaž tuâjai tobddmõš di šiõǥǥ õhttsažtuâjj- da vuârrvaaiktemtääid. Vueʹrddep še njueʹbǯǯlõs ǩeeʹrjtemtääid, vaalmâšvuõđ jiõččnaž reâuggma, šiõǥǥ organisâʹsttem- da teäddǩiõrddâmpâstlvažvuõđ.
Päʹlǩǩõs
Päʹlǩǩõs meäʹrtââvv Sääʹmteeʹǧǧ päʹlǩǩriâžldõõǥǥ väʹǯǯelvuõtt-tääʹzz IV/II mieʹldd (vuâđđpäʹlǩǩ obbtuâjjaaiʹjin 2998,97 euʹrred/mp). Vuâđđpääʹlǩ ool määuʹset sääʹmvuuʹdest reâuǥeen 24 % sääʹmvuuʹd lââʹzz da lõõʹzzid tuõjju harjjnummuž mieʹldd.
Ooccâm
Ooccâmlomaakk di jiõččtäättlaž, luõvâld ǩeeʹrjtum ooccâmǩeeʹrj di vueiʹtlvaž merittloǥstõõǥǥ da jeeʹres meâlddõõzzid âlgg tååimted Sääʹmteeʹǧǧ piisarkådda 28.8.2025 mõõneeʹst tän liâđǥlaž ooccâmlomaakk pääiʹǩ (ävvan ođđ ikkna): Ooccâmlomakk
Lââʹssteâđaid tuâjast oudd ääiʹjest 7.–25.8.2025 vaaldâšmjååʹđteei Pia Ruotsala-Kangasniemi, pia.ruotsala@samediggi.fi, teʹl. 040 726 2688
Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi da nuõrisuåvtõõzz toiʹmmjummša addrõõzzâst nuor.fi
Aanrest 25.7.2025
Sääʹmteʹǧǧ
