Sääʹmteʹǧǧ iʹlmmat ooccâmnalla stipeeʹndid õllškooulmättʼtõõttji
Sääʹmteʹǧǧ iʹlmmat ooccâmnalla stipeeʹndid, kook liâ jurddum sääʹmǩiõl da/leʹbe sääʹmkulttuur väʹlddaaunâs- da čårraaunâsmättʼtõõttjid da sääʹmǩiõllsaž tuejj-jieʹllma valmštõtti õlltääʹzz škooultummšest leʹddjid.
Snimldõk: Johanna Labba
Ooʒʒjin raaukât jeäʹrab vuâđđtõõllmõõžžid stipeeʹnd vuäǯǯam diõtt. Vuâđđtõõllmõššan vueiʹtte leeʹd jm. mättčuäʹjtemtuâj valmštummša õhttneei jeäʹrab kuul leʹbe dommpäiʹǩǩ-kååʹdd da mätt’tõõttâmpäiʹǩǩ-kååʹdd kuʹǩes mäʹtǩǩ-kõõskin šõddi mäʹtǩǩ-kuul.
Frijjnallšem ooccmõõžžid raaukât tååimted seärad 7.12.2023 mõõneeʹst čiâss 16 räjja liâdǥlânji addrõʹsse info@samediggi.fi. Ooccmõʹšše âlgg õhtteed kopio mättrekiʹstterväʹlddõõǥǥâst.
Vännai leʹbe mâŋŋnam ooccmõõžžid jeäʹt ǩiõttʼtõllu.
Aanrest 27.11.2023
Sääʹmteʹǧǧ/ škooultõs- da mättmateriaal-luʹvddkåʹdd
