50. vuârr sääʹmnuõri čeäʹppvuõttpeeiʹv - juʹhllplakaatt raajji Jeänõõǥǥâst

Sääʹmnuõri čeäʹppvuõttpeiʹvv lij oʹdinak, õhttsallaš noorõõttmõš, kååʹtt põhtt ouʹdde säʹmmlai čeäppõs-silttummuž säʹmmlai dommvuuʹd škooulin. Kõõskõõzz räʹjje noorõõttmõõžž raamid da päärna da nuõr tõn siiskõõzz. Čeäʹppvuõttpeiʹvv lij maacctum säʹmmlai dommvuuʹdest jooʹtti noorõõttmõššân ja tän eeʹjj tõn jäʹrjstet njuhččmannu 19. peeiʹv Karigasnjaarǥâst.

Sääʹmpäärnaid da -nuõrid leät samai čeäʹppvuõttpeeiʹv aalǥâst juʹn haaʹluum väʹldded mieʹldd čeäppõõzzlaž plaanummša da õlmmummša. Õhtt vuässõʹtti tåimmam-maall lij leämmaž karttehdtõõzz raajjmõš čeäʹppvuõttpeeiʹv plakaʹtte. Plakatt lij kõskksaž vueʹss noorõõttmõõžž saakkummuž da pirstõskaartin lij miârkteei rool nuʹt raajjʼja, täävtõsjooukid ǥu teâđtummša. Plakaatt õõlǥi kovveed čeäʹppvuõttpeeiʹv luând da nuõri õhttsallašvuõđ čeäppõõzz määŋgǩeʹrjjes noorõõttmõõžžâst.

Tekniikk leäi jiijjâs vaʹlljeemnalla da ehdtõõzz leʹjje õhttsiʹžže lååi. Täin vaʹlljeeš 2026 čeäʹppvuõttpeeiʹv plakattân jeänõkneeʹǩǩ 5. -klaassâst åårrai Elli Kotavuopio euʹnnreeʹǧǧes, polstkarndaažžin pirstum karttpirstõõzz. Karttpirstõs lij ǩeârjjai da suåpp kovveed Sääʹmnuõri čeäʹppvuõttpeeiʹv, kååʹtt lij mâta heäʹrvvliântin tuejjuum šuurab heäʹrvvkuʹsǩǩ. Juõʹǩǩ eeʹjj nuõr lââʹzzte euʹnnreeʹǧǧes heäʹrvvliântâs sääʹmpäärnai da -nuõri čeäppõsǩeâdda. Kotavuopio vuäǯǯ cisttân čeäppõsmateriaalipaʹǩaat.

Lââʹssteâđaid

Minna Lehtola
044 902 9295
minna.lehtola@samediggi.fi

Petra Biret Magga-Vars
040 732 5503
petra.magga@samediggi.fi

Tarja Porsanger
050 569 6065
tarja.porsanger@samediggi.fi