Ođđ nuõrttsääʹmǩiõllsaž mättǩeʹrjj lij õlmstõttum
Škooultõs -da mättmateriaalkoontâr lij õlmstâttam ođđ nuõrttsääʹmǩiõllsaž 2. klaass lookkâmǩeeʹrj.
Virkkâdvääʹrr lookkâmǩeʹrjj čõhčč lij sääʹmǩiõllsaž lookkâmǩeʹrjj alggmättʼtõõzz nuuʹbb klaass jieʹnnǩiõl lookkji mättʼtõʹsse. Mâʹte jeeʹres Virkkâdvääʹrr-rääid ǩiiʹrjid, Virkkâdvääʹr škooulneeʹǩǩ seäʹrre da rõssee nuʹt škooulâst ǥo še škooul ååuǥbeäʹlnn Jorbbjäuʹrr-siidâst.
Ǩeʹrjj lij nuõrttsääʹmǩiõʹlle jåårǥlõttum aanrõšǩiõllsaž Virkkuuvääri Luuhâmkirje čohčâ -ǩeeʹrj vuâđald. Ǩeeʹrj lij ǩeeʹrjtam Petter Morottaja, kaartʼtõõzz da kuâsttjõs lij raajjâm Mika Kolehmainen. Nuõrttsääʹmǩiõʹlle ǩeeʹrj lij šiõttääm da jåårǥlâttam Kari Chan.
Tõn tiʹllai Sääʹmteeʹǧǧ nettkaaupâst: Virkkâdvääʹrr čõhčč 2. kl
Virkkâdvääʹrr lookkâmǩeʹrjj ǩiđđ sõrgg õlmstââʹttet.
Lââʹssteâđ:
Esther Berelowitsch
Vs mättmateriaalplaaneei
044 746 7280
esther.berelowitsch@samediggi.fi
